ଗଞ୍ଜାମ, ୧୯/୦୧/୨୦୨୦ (ଟୁକୁନା ପ୍ରଧାନ) ଆଜି ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଚଣାପଡିଆସ୍ଥିତ ଖେଳପଡିଆଠାରେ ଶିବା କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଶିବା କ୍ରିକେଟ କ୍ଲବ ପକ୍ଷରୁ ଆୟୋଜିତ ଏହି ଟୁର୍ଣ୍ଣାମେଣ୍ଟ କୁ କବିସୂର୍ଯ୍ୟନଗର ବିଜ୍ଞାପିତ ଅଞ୍ଚଳ ପରିଷଦ ର ପୂର୍ବତନ ଅଧ୍ୟକ୍ଷ ମନୋରଞ୍ଜନ ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ । ସେହିପରି ସ୍ଥାନୀୟ ନଗର ବିଜେଡି ସଭାନେତ୍ରୀ ଲକ୍ଷ୍ମୀପ୍ରିୟା ସାହୁ, ଯୁବ ନେତା ଦିଲ୍ଲୀପ କୁମାର ସାହୁ, ପ୍ରସନ୍ନ ନାୟକ , ରାକେଶ ପ୍ରଧାନ, ପ୍ରକାଶ ସାହୁ, ବୁନା ନାୟକ, ଅରୁଣ ନାୟକ,ମନମୋହନ ଜେନା, ଅଲେଖ ରେଡ୍ଡୀ, ସାମ୍ବାଦିକ ଗଣେଶ ଡାକୁଆ ପ୍ରମୁଖ ସମ୍ମାନୀତ ଅତିଥି ରୁପେ ମଞ୍ଚାସୀନ ହୋଇଥିଲେ। ବ୍ଲକର ବିଭିନ୍ନ ଗ୍ରାମରୁ ଆସିଥିବା ପ୍ରତିଯୋଗୀମାନଙ୍କୁ ଉତ୍ସାହିତ କରିବା ସହ ଭାତୃତ୍ବ ମନୋଭାବ ନେଇ ଖେଳିବାକୁ ପରାମର୍ଶ ଦେଇଥିଲେ । ଆଜିକାର ଉଦଘାଟନୀ ମ୍ୟାଚ ପାକୀଡି ଟିମ୍ ସହ ଗଗନପୁର ଟିମ୍ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିତି ପ୍ରଥମେ ପାକୀଡି ଟିମ୍ ବ୍ୟାଟିଙ୍ଗ କରିବା ନିଷ୍ପତ୍ତି ନେଇଥିବାବେଳେ ବ୍ୟାଟିଂ କରି ୬ ୱିକେଟ ହରାଇ ୯୨ ରନ କରିଥିଲା । ଜବାବରେ ବିପକ୍ଷ ଦଳ ୧୧.୧ ଓଭରରେ ସମସ୍ତ ୱିକେଟ ହରାଇ ୩୦ ରନ ରେ ପରାସ୍ତ ହୋଇଥିଲେ । ମ୍ୟାଚ ର ଶେଷରେ ଶ୍ରେଷ୍ଠ ଖେଳାଳୀ ମାନଙ୍କୁ ପୁରଷ୍କୃତ କରାଯାଇଥିଲା । ଅକ୍ଷୟ ଦାସ , ବସନ୍ତ ନାହାକ, ରଂଜୟ ଦାସ , ସଞ୍ଜୟ ଦାସ , ତପନ ନାହାକ, ଉତ୍ତମ ଦାସ, ବୁଲୁ ଦାସ, ଚିରଞ୍ଜିବି ଦାସ, ଶଙ୍କର ଦାସ ସମେତ କ୍ଲବ ର ଅନ୍ୟ ସଦସ୍ୟମାନେ କାର୍ଯ୍ୟକ୍ରମରେ ସହଯୋଗ କରିଥିଲେ ।
