କନ୍ଧମାଳ, ୧୪/୦୩/୨୦୨୦: କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ୍ ଅନ୍ତର୍ଗତ ବଳସକୁମ୍ପା ପ୍ରସିଦ୍ଧ ଠାକୁରାଣୀ ମା ବରାଳଦେବୀଙ୍କ ମନ୍ଦିର ପୀଠରେ ସ୍ଥାନୀୟ ମା ଇଷ୍ଟଦେବୀ ଯୁବକଳା ପରିଷଦ ପକ୍ଷରୁ ସମଗ୍ର ବିଶ୍ବରେ କରୋନା ଭାଇରସ ସଂକ୍ରମଣ ହୋଇ ଦେଶ ଏବଂ ରାଜ୍ୟ ଗୁଡ଼ିକୁ ବ୍ୟାପି ହଜାର ହଜାର ସଂଖ୍ୟାରେ ମୃତ୍ୟୁ ବରଣ କରି ଲକ୍ଷାଧିକ ଆକ୍ରାନ୍ତ ହୋଇଥିବାବେଳେ ବର୍ତ୍ତମାନ ଏସବୁ କୁ ଦେଖି ସମସ୍ତଙ୍କ ର ହୃଦୟ ଠାରେ ହୃତ କମ୍ପନ ହୋଇ ଭୟଭୀତ ଓ ଚିନ୍ତାରେ ପଡ଼ି ଯାଇଥିବା ଯୋଗୁଁ କରୋନା ଭାଇରସଟି ଯେମିତି ଆହୁରି ସଂକ୍ରମଣ ନହେବ ସେଥିପାଇଁ ଦେଶ, ରାଜ୍ୟ ଓ କନ୍ଧମାଳ ଜିଲ୍ଲାର ସୁରକ୍ଷା ନିମନ୍ତେ ଆଜି ସମସ୍ତ ଯୁବକ ଦୀପଜାଳି ମାଙ୍କ ନିକଟରେ ପ୍ରାର୍ଥନା କରି ଜନ ସାଧାରଣଙ୍କୁ କରୋନା ଭାଇରସ ରୁ ରକ୍ଷା ପାଇବା ପାଇଁ ସଚେତନତା ବାର୍ତା ବାଣ୍ଟିଥିଲେ । ଏଥିରେ ସଂଘର ମୁଖ୍ୟ ଉପଦେଷ୍ଟା ତଥା ସମାଜସେବୀ ବଦ୍ୟନାଥ ବେହେରା , ସମାଜସେବୀ ତଥା ଗଣମାଧ୍ୟମ ପ୍ରତିନିଧି ଓ ଜିଲ୍ଲା ଖାଉଟି ସୁରକ୍ଷା ଉପଭକ୍ତା କର୍ମୀ କୁନା ଦିଗାଲ , ସମ୍ପାଦକ ତଥା ଗଣମାଧ୍ୟମ ପ୍ରତିନିଧି ବିଦୁର ବେହେରା, ସଭାପତି ବିନାୟକ ସାହାଣୀ, କାର୍ଯ୍ୟକାରୀ ସଭାପତି ରୋହିତ କୁମାର ବେହେରା, ସହ ସମ୍ପାଦକ ରଜତ କୁମାର ବେହେରା, ଉପ ସଭାପତି ଗକୁଳ ସାହାଣୀ , ସଦସ୍ୟ ପ୍ରଫୁଲ୍ଲ ବେହେରା, ରବିନାରାୟଣ ବେହେରା, ବିଜୟ ସାହାଣୀ, ପ୍ରଦୀପ ସେଠି, ବରୁଣ ସାହାଣୀ ପ୍ରମୁଖ ସଂଘର ସମସ୍ତ ଯୁବକମାନେ ଯୋଗଦେଇଥିଲେ ।
ରିପୋର୍ଟ: ସୁରେଶ କୁମାର ପଣ୍ଡା
