କନ୍ଧମାଳ, ୨୦/୦୩/୨୦୨୦:ବାଲିଗୁଡ଼ା ବ୍ଲକ ସଭାଗୃହ ଠାରେ କରୋନା କୁ ନେଇ ସ୍ୱତନ୍ତ୍ର ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ସମିତି ଅଧ୍ୟକ୍ଷ ପ୍ରମୋଦ କୁମାର ମଲିକ ସଭାପତିତ୍ବ କରିଥିବା ବେଳେ ବାଲିଗୁଡ଼ା ବିଡ଼ିଓ ନରେଶ ଚନ୍ଦ୍ର ଶବର କରୋନା କୁ କିଭଳି ମୁକାବିଲା କରିହେବ ତାହା ଉପରେ ସଚେତନତା ସୃଷ୍ଟି କରିଛନ୍ତି । ବିଶେଷ କରି ବୃଦ୍ଧ ଓ ବୃଦ୍ଧା ମାନଙ୍କୁ ଭତ୍ତା ଓ ଚାଉଳ ନେବା ସମୟରେ ଭିଡ଼ ନକରି ଓ ଗହଳି ନ ହେବ ସେଥିପ୍ରତି ବିଶେଷ ଦୃଷ୍ଟି ଦେବାକୁ ଅନୁରୋଧ କରିଛନ୍ତି ବିଡ଼ିଓ । ଦରକାର ପଡିଲେ ସାହି ସାହି କ୍ୟାମ୍ପ ମାଧ୍ୟମରେ ଭତ୍ତା ଦେବାକୁ ନିର୍ଦ୍ଦେଶ ଦେଇଛନ୍ତି ବିଡ଼ିଓ । ଏହି ବୈଠକରେ ସମସ୍ତ ଗ୍ରାମପଞ୍ଚାୟତର ସରପଞ୍ଚ ଓ ସମିତି ସଭ୍ୟ, ସଭ୍ୟା ଓ ଉପାଧ୍ୟକ୍ଷା ଉପସ୍ଥିତ ଥିଲେ ।
ରିପୋର୍ଟ: ସୁରେଶ କୁମାର ପଣ୍ଡା
