ଦିଗପହଣ୍ଡି, ୧୫/୦୪/୨୦୨୦(ବ୍ୟୁରୋ ରିପୋର୍ଟ)ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଇଲାକାରେ ଲକଡ଼ାଉନ ର ଫାଇଦା ନେଇ ଚୋରା ମଦ ବେପାର କରୁଥିବା ବେପାରୀଙ୍କ ନିଦ ହଜେଇ ଦେଲେଣି ଦିଗପହଣ୍ଡି ଥାନା ବାବୁ ବସନ୍ତ କୁମାର ସେଠୀ।ଚୋରା ମଦ ବେପାରୀଙ୍କ ଉପରେ ଥାନା ବାବୁଙ୍କ କଡ଼ା ଆଭିମୁଖ୍ୟ ଓ ଚେତାବନୀ ପରେ ମଧ୍ୟ ବାରମ୍ବାର ବିଭିନ୍ନ ଜାଗା ପରିବର୍ତ୍ତନ କରି ମଦ ବେପାର କରିବା ପାଇଁ ଯୋ ସାହସ ଯୋଗାଡ଼ କରୁଛନ୍ତି ତାକୁ ତୁରନ୍ତ ଭଙ୍ଗ କରିବାରେ ସଫଳ ହେଉଛନ୍ତି ଥାନା ବାବୁ।ପୁଣି ବୁଧୁବାର ଦିନ ୩ ମଦ ବେପାରୀଙ୍କୁ ଜାଲ ପକାଇ ଧରିବାରେ ସଫଳ ହୋଇଥିବା ଜଣାପଡ଼ିଛି ସେମାନେ ହେଲେ ମୌଳାଭଂଜା ଗ୍ରାମର କେ.ମିଟୁ ଦୋରା, ବାସୁଦେବ ପୁର ର ପି.ଯୋଗିୟା ରେଡ୍ଡୀ ଓ ଭୀଷ୍ମଗିରି ଗ୍ରାମର ଟୁନା ମହାନ୍ତି।ଏମାନଙ୍କ ଠାରୁ ଯଥାକ୍ରମେ ୭.୨୦୦ଲି,୬.୮୦୦ଲି ଓ ୫.୨୦୦ଲିଟର ମଦ ଜବତ କରିଥିବା ସୂଚନା ମିଳିଛି।ଏ ନେଇ ଦିଗପହଣ୍ଡି ଥାନା କେସ ନଂ ୭୯,୮୦ ଓ ୮୧/୨୦୨୦ ରେ ମାମଲା ରୁଜୁ କରି ୧୮୮/୨୬୮ ଓ ୨୭୦ ଦଫା ଲଗାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି।ଏପରି ମଦ ବେପାରୀଙ୍କୁ ବାରମ୍ବାର ଧରିବାରେ ଦିଗପହଣ୍ଡି ଥାନା ଅଧିକାରୀ ସିଦ୍ଧ ହସ୍ତ ବୋଲି ଜନସାଧାରଣ ଓ ବୁଦ୍ଧିଜୀବି ମାନେ କୁହାବୋଲା କରୁଛନ୍ତି।
