ହିଞ୍ଜିଳି ବ୍ଲକରେ ଆରମ୍ଭ ହେଲା ବିଶୋଧନ ସିଞ୍ଚନ ପ୍ରକ୍ରିୟା

ହିଞିଳିକାଟୁ, ୧୭/୦୪/୨୦୨୦(ପ୍ରିୟବ୍ରତ ପଣ୍ଡା) ମହାମାରୀ କରୋନା କୁ ମୁକାବିଲା ପାଇଁ ହିଂଜିଳି ବ୍ଳକ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି।ମାସ୍କ ପିନ୍ଧିବା, ସମାଜିକ ଦୂରତା ବଜାୟ ରଖିବା ପାଇଁ ଗୁରୁତ୍ୱ ପ୍ରଦାନ କରି ସଚେତନ ସୃଷ୍ଟି କରାଯାଇଛି। କରୋନା ମୁକାବିଲା ସକାଶେ ଘରେ ରହିବାକୁ ନିବେଦନ କରିବା ସହ ପଞ୍ଚାୟତକୁ ସମ୍ପୂର୍ଣ୍ଣ ରାସାୟନିକ ବିଶୋଧନ ସିଞ୍ଚନପ୍ରୟୋଗ କରିବା ପ୍ରୟାସ ଆରମ୍ଭ କରିଛନ୍ତି ବିଡ଼ିଓ ପ୍ରସନ୍ନ କୁମାର ପାତ୍ର।ସ୍ଥାନୀୟ ବ୍ଲକ ଖରିଡା ପଞ୍ଚାୟତରେ ତହସିଲଦାର ଗୋପୀନାଥ କୁଅଁର, ନିର୍ବାହୀ ଅଧିକାରୀ ସୁଶାନ୍ତ କୁମାର ପାତ୍ର,ସରପଞ୍ଚ ରଘୁନାଥ ବେହେରା,ଜିଆରଏସ ଶ୍ରୀକାନ୍ତ ପଣ୍ଡା ପ୍ରମୁଖ ଙ୍କ ଉପସ୍ଥିତିରେ ବିଡ଼ିଓ ପ୍ରସନ୍ନ କୁମାର ପାତ୍ର ଏହାର ଶୁଭାରମ୍ଭ କରିଥିଲେ।ଖରିଡା ପଞ୍ଚାୟତ କାର୍ଯ୍ୟାଳୟ, ବାତ୍ୟା ଆଶ୍ରୟସ୍ଥଳ ଓ ଗ୍ରାମର ବିଭିନ୍ନ ସାହି, ଗଳିରେ ରାସାୟନିକ ମିଶ୍ରଣ ସ୍ପ୍ରେ କରାଯାଇ ଗ୍ରାମକୁ ସମ୍ପୂର୍ଣ୍ଣ ବିଶୋଧନ ସିଞ୍ଚନ କରା ଯାଇଛି ବୋଲି ଗ୍ରାମବାସୀ ଖୁସି ପ୍ରକଟ କରିଛନ୍ତି ।