ପାରଳାଖେମୁଣ୍ଡି, ୧୭/୦୪/୨୦୨୦(ପ୍ରଭାତ କୁମାର ପାତ୍ର) ଗଜପତି ଜିଲ୍ଲା ବିଜୁ ଜନତା ଦଳ ତରଫରୁ ପ୍ରବାଦ ପୁରୁଷ ବିଜୁବାବୁଙ୍କ ୨୩ ତମ ଶ୍ରାଦ୍ଧ ଦିବସ ଅତ୍ୟନ୍ତ ନିରାଡମ୍ବର ଭାବେ ପାଳିତ ହୋଇଛି। ପାରଳାଖେମୁଣ୍ଡି ସହରର ହାଇସ୍କୁଲ ଛକଠାରେ ଥିବା ବିଜୁ ବାବୁଙ୍କ ପ୍ରତିମୁର୍ତିରେ ଜିଲ୍ଲା ବିଜେଡ଼ି ସଭାପତି ପ୍ରଦୀପ ନାୟକ ଏବଂ ବରିଷ୍ଠ ବିଜେଡି ନେତା ଅନ୍ତର୍ଯ୍ୟାମୀ ଗମାଙ୍ଗ, ସୂର୍ଯ୍ୟ ନାରାୟଣ ରାଜୁଗୁରୁ ପୁଷ୍ପମାଲ୍ୟ ଅର୍ପଣ କରି ବିଜୁବାବୁଙ୍କ ସୃତିଚାରଣ କରି ତାଙ୍କ ଆଦର୍ଶରେ ପ୍ରତେକ ବ୍ୟକ୍ତି ଅନୁପ୍ରାଣିତ ହୋଇ ସମାଜ ଓ ଦେଶର ସେବା କରନ୍ତୁ ବୋଲି ଆହ୍ବାନ ଦେଇଥିଲେ। କରୋନା ଯୋଗୁଁ ସାମାଜିକ ଦୂରତା ରକ୍ଷା କରାଯାଇ ବହୁ କମ ସଂଖ୍ୟକ ନେତା ଓ କର୍ମୀ ଏଥିରେ ଯୋଗଦେଇ ଥିଲେ।
