କୁକୁଡ଼ାଖଣ୍ଡି ,୨୮/୦୪/୨୦୨୦(ବ୍ୟୁରୋ ରିପୋର୍ଟ) ସଦର ଥାନା ନିମଖଣ୍ଡି ଫାଣ୍ଡି ଅନ୍ତର୍ଗତ ହୁଗୁଳାପଟା ଗ୍ରାମର ଜଣେ ଯୁବକକୁ ଚୋରି କରିଥିବା ଅଭିଯୋଗରେ ଗିରଫ କରାଯାଇଥିବା ନେଇ ନିମଖଣ୍ଡି ଫାଣ୍ଡି ଅଧିକାରୀ ଧୋବା ସ୍ବାଇଁଙ୍କ ଠାରୁ ସୂଚନା ମିଳିଛି lସୂଚନା ଅନୁଯାୟୀ ଜାଣିବାକୁ ମିଳିଛି ଯେ, ଗତ ୨୦୧୯ ଡିସେମ୍ବର ମାସରେ ହୁଗୁଳାପଟା ଗ୍ରାମରେ ଏକ ବିଦ୍ୟାଳୟ ଗୃହ ନିର୍ମାଣ କାର୍ଯ୍ୟ ଚାଲିଥିବା ସମୟରେ କିଛି ଉପକରଣ ଚୋରି ହୋଇଥିଲା lତେବେ ଗତ କିଛିଦିନ ପୂର୍ବେ ଉକ୍ତ କାମରେ ମିସ୍ତ୍ରୀ ଭାବେ କାମ କରୁଥିବା ନବ ସ୍ୱାଇଁ ନିଜ ଘର ନିର୍ମାଣ ଆରମ୍ଭ କରିଥିଲେ lସେହି ସମୟରେ ଚୋରି ହୋଇଥିବା ସାମଗ୍ରୀ ଗୃହ ନିର୍ମାଣ କାର୍ଯ୍ୟରେ ବ୍ୟବହାର ହେଉଥିବା ଠିକାଦାର ବିପିନ ପ୍ରଧାନ ଦେଖିବାକୁ ପାଇଥିଲେ lଏହାପରେ ସ୍ଥାନୀୟ ନିମଖଣ୍ଡି ଫାଣ୍ଡିରେ ଚୋରି ସମ୍ପର୍କରେ ଏକ ଏତଲା ଦେଇଥିଲେ lପୋଲିସ ଏତଲାକୁ ଭିତ୍ତି କରି ଥାନା କେସ ନଂ ୧୧୮/୨୦ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ lଏହାପରେ ଚୋରି କରିଥିବା ସାମଗ୍ରୀ ଜବତ ସହିତ ନବ ସ୍ୱାଇଁଙ୍କୁ (୨୪)ଗିରଫ କରି ମଙ୍ଗଳବାର କୋର୍ଟ ଚାଲାଣ କରାଯାଇଛି l
