ପାରଳାଖେମୁଣ୍ଡି, ୨୫/୦୫/୨୦୨୦:- ଗଜପତି ଜିଲ୍ଲା ପାରଳାଖେମୁଣ୍ଡି ସହର ମହକୁମା ଠାରେ ଅନୁସୂଚିତ ଜାତିଙ୍କ ଜମି ହଡପ ମାମଲାରେ ୩ ଜଣଙ୍କୁ ପାରଳା ପୋଲିସ ଗିରଫ କରିଥିବା ସୂଚନା ମିଳିଛି। ଘଟଣାରୁ ପ୍ରକାଶଯେ ପାରଳାଖେମୁଣ୍ଡି ସହରର ସଂସ୍କୃତି ମହାବିଦ୍ୟାଳୟ ପାଶ୍ୱରେ କଣ୍ଡରାସାହି ବାସିନ୍ଦା ପ୍ରେମାନନ୍ଦ ଦାସଙ୍କ ଜମି ଦୀର୍ଘ ଦିନ ଧରି ରହିଆସିଛି। କିଛି ମାସ ତଳେ ସେହି ଜମିକୁ ସୁଧୀରଞନ ମହାପାତ୍ର ପ୍ଲଟ କରି କିଛି ଲୋକଙ୍କୁ ବିକ୍ରି କରିଥିବା ଅଭିଯୋଗ ନେଇ ପ୍ରେମାନନ୍ଦ ପାରଳାଖେମୁଣ୍ଡି ଥାନାରେ ମାମଲା ରୁଜୁ କରିଥିଲେ। ପାରଳାଖେମୁଣ୍ଡି ଆଦର୍ଶ ଥାନା ଅଧିକାରୀ ବିବେକାନନ୍ଦ ସ୍ୱାଇଁଙ୍କ ନିଦ୍ଦେର୍ଶକ୍ରମେ ମାମଲା ତଦନ୍ତ କରାଯାଇ ସୁଧୀରଞନ ମହାପାତ୍ର, ତାଙ୍କ ସାନଭାଇ ସୁନା ମହାପାତ୍ର, ଗୌରୀଶଙ୍କର ପଣ୍ଡା ୩ ଜଣଙ୍କୁ ଏହି ଘଟଣାରେ ଗିରଫ କରି କୋର୍ଟ ଚାଲାଣ କରାଯାଇଥିବା ଜଣାପଡିଛି।
ରିପୋର୍ଟ : ପ୍ରଭାତ କୁମାର ପାତ୍ର
