ଭୁବନେଶ୍ୱର,୩୦/୦୫/୨୦୨୦( ଆକାଶ ମିଶ୍ର )
କରୋନା କଟକଣା ସତ୍ୱେ ବି ରାଜଧାନୀରେ ଚାଲିଛି ଜୁଆ ଖେଳ । କୋଭିଡ୍ ପାସ ଲଗାଇ ଭୁବନେଶ୍ୱରର ବେଧଡକ ବୁଲୁଛନ୍ତି ଜୁଆଡ଼ି । ଏହାକୁ ନେଇ ଭୁବନେଶ୍ୱରରୁ ପୁଲିସ ୯ଜଣ ହାଇ ପ୍ରୋଫାଇଲ ଜୁଆଡ଼ିଙ୍କୁ ଗିରଫ କରିଛି।
ସୂଚନା ମୁତାବିକ ଟାଙ୍ଗୀ ବିଡିଓଙ୍କ ଅନୁମତି ପତ୍ର ଦେଖାଇ ଭୁବନେଶ୍ୱରରେ ବିଳମ୍ବିତ ରାତିରେ ତିନିଟି ଗାଡ଼ିରେ ଜୁଆଡ଼ି ବୁଲୁଥିଲେ । ନୟାପଲ୍ଲୀସ୍ଥିତ ଓୟୋ ହୋଟେଲରେ ଜୁଆ ଖେଳ ଚାଲିଥିବା ନେଇ ଖବର ପାଇବା ପରେ ଚଢ଼ାଉ କରିଥିଲା ପୁଲିସ। ସେଠାରୁ ୯ଜଣ ଜୁଆଡ଼ିଙ୍କୁ ଗିରଫ କରିଛି । ଜୁଆ ଆଡାରେ ଚଢ଼ାଉ କରି ସେମାନଙ୍କ ନିକଟରୁ ନୟାପଲ୍ଲୀ ପୁଲିସ ତିନିଟି ଦାମୀ ଗାଡ଼ି , ୧ ଲକ୍ଷ ୫୩ ହଜାର ଟଙ୍କା ଓ ମୋବାଇଲ୍ ଜବତ କରିଥିବାର ସୂଚନା ମିଳିଛି।
