ପୋଲସରା, ୦୯/୦୬/୨୦୨୦: ଗଞ୍ଜାମ ଜିଲ୍ଲା ପୋଲସରା ଅଞ୍ଚଳରେ ମଙ୍ଗଳବାର ବିଜୁଳି,ଘଡଘଡି ସହ ପ୍ରବଳ ବର୍ଷା ହୋଇ ବଜ୍ରାଘାତ ହୋଇଥିଲା।ଏହି ବଜ୍ରାଘାତ ରେ ଜଣେ ମୃତ୍ୟୁ ବରଣ କରିଥିବା ବେଳେ ଦୁଇ ଜଣ ଆହତ ହୋଇଛନ୍ତି।ମୃତକ ଜଣକ ହେଉଛନ୍ତି ପୋଲସରା ଥାନା ପାଣ୍ଡିରିପଡା ଗ୍ରାମର ଦୀପକ ଗୌଡ଼।ଆହତ ମାନେ ହେଲେ ପାଣ୍ଡିରିପଡା ର କୈଳାସ ଗୌଡ଼ ଓ ରୁମାଗଡ଼ ଗ୍ରାମର ଜୟନ୍ତୀ ନାୟକ।ଜୟନ୍ତୀ ନିଜର ଘର ବାରଣ୍ଡାରେ ବସିଥିବା ବେଳେ ଆହତ ହୋଇଥିଲେ, ଦୀପକ ଓ କୈଳାସ ଛେଳି ଚରାଇବାକୁ ଯାଇଥିବା ବେଳେ ଜଣେ ମୃତ୍ୟୁ ମୁଖରେ ପଡିଥିଲେ ଓ ଜଣେ ଆହତ ହୋଇଥିଲେ।ଖବରପାଇ ଗ୍ରାମବାସୀ ମାନେ ଦୁଇ ଜଣଙ୍କୁ ପ୍ରଥମେ ପାଣ୍ଡିରିପଡା ସ୍ବାସ୍ଥ୍ୟ କେନ୍ଦ୍ର ପରେ ପୋଲସରା ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ।ମେଡିକାଲରେ ଦୀପକ ଗୌଡ଼ଙ୍କୁ ଡାକ୍ତର ମୃତ ଘୋଷଣା କରିଥିଲେ।ଆହତ କୈଳାଶ ଗୌଡ଼ ଓ ଜୟନ୍ତୀ ନାୟକଙ୍କ ଚିକିତ୍ସା ଚାଲିଛି।
ରିପୋର୍ଟ: ଅନିଲ୍ କୁମାର ମହାରଣା
