ଅଜଣା ଗାଡ଼ି ଧକ୍କା ରେ ଯୁବକ ମୃତ

ଚିକିଟି,୨୯/୦୬/୨୦୨୦(ଗଦାଧର ଶୁକ୍ଲ) ଗଞ୍ଜାମ ଜିଲ୍ଲା ଚିକିଟି ବ୍ଲକ କେ . ନୂଆଗାଁ ଥାନା ଅର୍ନ୍ତଗତ ନୂଆଗାଁ ପଞ୍ଚାୟତ ନିକଟରେ ସୋମବାର ଭୋର ପ୍ରାୟ ୫ ଟା ରେ ଅଜଣା ଗାଡ଼ି ଧକ୍କାରେ ଜଣେ ଯୁବ ବ୍ୟବସାୟୀଙ୍କ ମୃତ୍ୟୁ ଘଟିଥିବା ଜଣାପଡିଛି । ମୃତ ବ୍ଯବସାୟୀ ହେଲେ ଦିଗପହଣ୍ଡି ବ୍ଲକ ଗୈାଡଗାଁର କେ . ଗଣେଶ ପାତ୍ରଙ୍କ ପୁତ୍ର କେ . ବିଷ୍ଣୁ ପାତ୍ର (୩୫) ବୋଲି ଜଣାପଡିଛି । ଖବରପ୍ରକାରେ , ମୃତ ବିଷ୍ଣୁ ଗତ ୬ ବର୍ଷ ଧରି ଦୁବାଇରେ ଏକ କମ୍ପାନୀରେ କାମ କରୁଥିବା ବେଳେ ୮ ମାସ ହେଲା ନିଜ ଗ୍ରାମ ଗୈାଡଗାଁ ଆସିଥିଲେ । ବିଷ୍ଣୁଙ୍କ ବାପା ଗ୍ରାମରେ ଏକ ଲୁଗା ବ୍ୟବସାୟ କରୁଛନ୍ତି । ବର୍ତମାନ ସାରା ଦେଶରେ କରୋନା ଲକଡାଉନ ଚାଲିଥିବା ଯୋଗୁଁ ବିଷ୍ଣୁ ଦୁବାଇ ଯାଇନପାରି ବାପାଙ୍କୁ ବ୍ୟବସାୟ କାର୍ଯ୍ୟରେ ସାହାଯ୍ୟ କରୁଥିଲେ । ସୋମବାର ବଡ଼ି ଭୋର ସାଢେ ୫ ଘଣ୍ଟ ସମୟରେ ବ୍ୟବସାୟ କରିବା ପାଇଁ ନିଜ ବାଇକ ଯୋଗେ ଚିକିଟି ଧାନଘର ଅଭିମୁଖେ ବାହାରି ମାତ୍ର ଅଳ୍ପ ବାଟ ଯିବାପରେ ଏକ ଅଜଣା ଗାଡ଼ି ଧକ୍କା ଦେଇ ଚାଲି ଯାଇଥିଲା। ଘଟଣାସ୍ଥଳରେ ହଁ ବିଷ୍ଣୁଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସକାଳୁ ସକାଳୁ ଘଟଣା ପ୍ରଘଟ ପରେ କେ. ନୂଆଗାଁ ପୋଲିସ ପହଞ୍ଚି ଶବକୁ ଚିହ୍ନଟ ପରେ ପରିବାର ବର୍ଗଙ୍କୁ ଖବର ଦେଇଥିଲେ । ଘଟଣାପରେ ପରିବାର ଲୋକେ ନୂଆଗାଁ ପହଞ୍ଚି ପୋଲିସ ଶବକୁ ଜବତ କରି ଥାନା କେସ ନଂ ୧୪୨/୨୦୨୦ ଅନୁସାରେ ଶବ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ଶବଗୃହକୁ ପଠାଇ ଦିଆଯାଇଥିବା ଥାନା ଅଧିକାରୀ ମାଧବାନନ୍ଦ ନାୟକ ସୂଚନା ଦେଇଛନ୍ତି ।