ଭୁବନେଶ୍ୱର, ୨୦/୦୭/୨୦୨୦(ବ୍ୟୁରୋ ରିପୋର୍ଟ) ଆଜି କେୟାର ହସ୍ପିଟାଲ୍ରେ ଅଭିନେତା ବିଜୟ ମହାନ୍ତିଙ୍କ ପରଲୋକ ହୋଇଯାଇଛି।
ଜୀବନ ଯୁଦ୍ଧରେ ହାରିଗଲେ ଏହି ବରିଷ୍ଠ ଅଭିନେତା ବିଜୟ ମହାନ୍ତି । ଗତ କିଛି ଦିନ ଧରି ସେ ଅସୁସ୍ଥ ଥିଲେ । ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ ବିଜୟ ।୧୯୭୭ରେ ‘ଚିଲିକା ତୀରେ’ ଚଳଚ୍ଚିତ୍ରରୁ ଅଭିନୟ ଆରମ୍ଭ କରିଥିଲେ । ୧୮୦ରୁ ଅଧିକ ଓଡ଼ିଆ ଚଳଚ୍ଚିତ୍ରରେ ଅଭିନୟ କରିଥିଲେ ବିଜୟ ମହାନ୍ତି । ୨୦୧୪ ମସିହାରେ ଜୟଦେବ ସମ୍ମାନ ପାଇଥିଲେ ବିଜୟ । ୪ଟି ଚଳଚ୍ଚିତ୍ରରେ ଅଭିନୟ ପାଇଁ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ। ୪ ଫିଲ୍ମ- ଆରତି, ଏଇ ଆମ ସଂସାର, ମମତା ମାଗେ ମୂଲ, ଭାଇ ହେଲା ଭଗାରି । ୨୦୦୯ରେ ଅଜାତି ନାଟକ ପାଇଁ ଓଡିଶା ସାହିତ୍ୟ ଏକାଡେମୀ ପୁରସ୍କାର ମଧ୍ଯ ପାଇଥିଲେ। ୨୦୧୪ ମସିହା ଲୋକ ସଭା ନିର୍ବାଚନରେ ସେ ଭୁବନେଶ୍ୱର ଲୋକ ସଭା ନିର୍ବାଚନ ମଣ୍ଡଳୀରୁ ଭାରତୀୟ ଜାତୀୟ କଂଗ୍ରେସ ଟିକେଟରେ ବିଜୟ ମହାନ୍ତି ନିର୍ବାଚନ ମଧ୍ଯ ଲଢିଥିଲେ।
