ବ୍ରହ୍ମପୁର,୨୩/୦୭/୨୦୨୦(ବ୍ୟୁରୋ ରିପୋର୍ଟ) ରଙ୍ଗେଇଲୁଣ୍ଡ ବ୍ଲକ ଅନ୍ତର୍ଗତ କୋଳଥିଗାଁ ପଂଚାୟତ କୋଳଥିଗାଁର ମାଳିସାହିର ଗର୍ଭବତୀ ମହିଳା (୨୫)ସୁନେଲି ରଣା ଙ୍କ ଚିକିତ୍ସା ଅବହେଳା ଯୋଗୁଁ ମୁତ୍ଯୁ ହୋଇଥିବା ଅଭିଯୋଗ ହୋଇଛି। ଗର୍ଭବତୀ ମହିଳା ଜଣଙ୍କର ଉଚ୍ଚ ରକ୍ତଚାପ ଅନୁଭବ କରିବା ସହିତ ପ୍ରସବ ଯନ୍ତ୍ରଣା ହୋଇଥିଲା। ଗୁରୁତର ଅବସ୍ଥାରେ ବ୍ରହ୍ମପୂର୍ ବଡ ମେଡ଼ିକାଲ ରେ ଭର୍ତ୍ତି କରାଗଲା କିନ୍ତୁ ଦୁଃଖର ବିଷୟ ଗୁରୁତର ଅବସ୍ଥାରେ ମଧ୍ୟ ତାଙ୍କୁ କୋଭିଡ୍ ଟେଷ୍ଟ୍ ପାଇଁ ଶୀତଳା ପଲ୍ଲୀ ସ୍ଥିତ କୋଭିଡ୍ ହସ୍ପିଟାଲ୍ ରେ ଭର୍ତ୍ତି କରିଦିଆ ଯାଇ ସେଠାରେ ଚିକିତ୍ସା ରେ ଅବହେଳା କରାଯାଇ ପକେଇ ରଖାଗଲା, ଯାହା ଫଳରେ ଉଭୟ ଗର୍ଭଧାରଣ କରିଥିବା ମା ଏବଂ ଗର୍ଭସ୍ଥସନ୍ତାନଙ୍କ ଚିକିତ୍ସା ଅବହେଳାରୁ ମଙ୍ଗଳବାର ଦିନ ଅପରାହ୍ନରେ ଆଖି ବୁଜି ଦେଲେ।ଏହା ନେଇ ପରିବାର ଲୋକେ ଅଭିଯୋଗ କରିଛନ୍ତି।ମୁତ୍ଯୁ ର ୪ ଘଣ୍ଟା ପରେ ସନ୍ଧ୍ୟା ବେଳେ ତାଙ୍କ ପରିବାର ଲୋକଙ୍କୁ ଜଣାଯାଇ କୁହାଯାଉଛି କି ଆମେ କାଲି କି କୋଭିଡ୍ ଟେଷ୍ଟ୍ କରାଯିବ ରିପୋର୍ଟ ନେଗେଟିଭ୍ ଆସିଲା ପରେ ଶବ ହସ୍ତାନ୍ତର କରାଯିବ ବୋଲି ଶୀତଳlପଲ୍ଲି କୋଭିଡ ହସ୍ପିଟାଲ ପକ୍ଷରୁ ପରିବାର ଲୋକଙ୍କୁ କୁହାଯାଇଥିଲା । ଦୁଇଦିନ ଅପେକ୍ଷା କରି ଗୁରୁବାର ଦିନ ଅପରାହ୍ନରେ ହସ୍ପିଟାଲ କତ୍ତୃପକ୍ଷ ଶବ ଦାହ କରିଥିଲେ ବୋଲି ମୃତ ମହିଳାଙ୍କ ଭାଇ ଗୋପାଳ ରଣା କହିଛନ୍ତି।ଏହି ହୃଦୟ ବିଦାରକ ଦୃଶ୍ୟକୁ ଗ୍ରାମର ସମାଜସେବୀ ଜଗମୋହନ ପାତ୍ର ଲୋକଲୋଚନକୁ ଆଣିବା ସହ ପ୍ରଶାସନ ନିକଟରେ ନ୍ୟାୟ ପାଇବା ଏବଂ କ୍ଷତିପୂରଣ ଦାବି କରିଛନ୍ତି।
