ଭଞ୍ଜନଗର,୨୮/୦୭/୨୦୨୦: ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ସିସୁଣ୍ଡା ଗ୍ରାମରେ ଏକ ଅଘଟଣ ଘଟଣାକ୍ରମରେ ନିଜ ଚାଷ ଜମିରେ କାମ କରୁଥିବା ଜନୈକ ମହିଳାଙ୍କ ବଜ୍ରାଘାତ ଜନିତ କାରଣରୁ ମୃତ୍ୟୁ ବରଣ କରିଥିବା ଜଣାଯାଇଛି ।ମିଳିଥିବା ସୂଚନା ପ୍ରକାରେ ଗ୍ରାମର ବିର ରାଉତଙ୍କ ସ୍ତ୍ରୀ ବିଷ୍ଣୁପ୍ରିୟା ରାଉତ (୫୦)ଆଜି ନିଜ ଚାଷଜମିରେ ଧାନ ରୁଅା କାର୍ଯ୍ୟରେ ଥିବାବେଳେ ଅପରାହ୍ନ ୪ପ୍ରାୟ ଘଟିକା ସମୟରେ ଆସନ୍ନ ବଜପାତ ହୋଇଥିଲା ।ବିଷ୍ଣୁପ୍ରିୟା କାମରେ ନିମଗ୍ନ ଥିବା ଅବସରରେ ସେ ଆକସ୍ମିକ ବଜ୍ରାଘାତରେ ଗୁରୁତର ହୋଇଥିଲେ ।ଖବରକ୍ରମେ ଜଗନ୍ନାଥ ପ୍ରସାଦ ବିପର୍ଯ୍ୟୟ ପ୍ରଶମନ ବାହିନୀ ଘଟଣାସ୍ଥଳରେ ପହଂଚି ଗୁରୁତରଙ୍କୁ ଡାକ୍ତରଖାନା ପହଞ୍ଚାଇ ଥିଲେ ।ଜଗନ୍ନାଥ ପ୍ରସାଦ ଡାକ୍ତରଖାନାରେ ଚିକିତ୍ସିତ ଅବସ୍ଥାରେ ଡାକ୍ତର କିରଣ କୁମାର ଦାସ ବିଷ୍ଣୁପ୍ରିୟାଙ୍କୁ ମୃତା ଘୋଷଣା କରିଥିଲେ ।ଖବର ପାଇ ଜଗନ୍ନାଥ ପ୍ରସାଦ ଥାନା ପକ୍ଷରୁ ମେଡିକାଲ୍ ପହଞ୍ଚି ଶବ ବ୍ୟବଚ୍ଛେଦ ବ୍ୟବସ୍ଥା କରାଯିବା ସହିତ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଜଣାଯାଇଛି ।
ରିପୋର୍ଟ: ଚିତ୍ରସେନ ପ୍ରଧାନ
