ଗଞ୍ଜାମ,୨୯/୦୭/୨୦୨୦(ଟୁକୁନା ପ୍ରଧାନ) ଚଳିତ ବର୍ଷ ଅନୁଷ୍ଠିତ ହୋଇଥିବା ମାଟ୍ରିକ୍ ବୋର୍ଡ ପରୀକ୍ଷାରେ ବେଗୁନିଆପଡ଼ା ବ୍ଲକ୍ ରେ ପାସ୍ ହାର ୮୫ ପ୍ରତିଶତ ରହିଛି l ଚଳିତ ବର୍ଷ ବ୍ଲକ୍ ର ୨୭ ଟି ହାଇସ୍କୁଲର ୧୭୪୦ ଜଣ ପରୀକ୍ଷାର୍ଥୀ ଫର୍ମ ପୂରଣ କରିଥିବା ବେଳେ ୨୦ ଜଣ ପିଲା ଅନୁପସ୍ଥିତ ଥିଲେ ଆଉ ୧୭୨୦ ଜଣ ପିଲାଙ୍କ ମଧ୍ୟରୁ ଏହି ପରୀକ୍ଷାରେ ୧୪୬୨ଜଣ ପିଲା କୃତକାର୍ଯ୍ୟ ହୋଇଛନ୍ତି l ବ୍ଲକର ୫ ଟି ହାଇସ୍କୁଲ ଶତ ପ୍ରତିଶତ ରେଜଲ୍ଟ କରିଛନ୍ତି l ସେ ଗୁଡିକ ହେଲେ ପାଇକପଡ଼ା ସ୍ଥିତ ବଟେଶ୍ୱର ହାଇସ୍କୁଲ, ଏସ୍ ଛଛିନା ସ୍ଥିତ ରାଧାକୃଷ୍ଣ ହାଇସ୍କୁଲ, ମର୍ଦ୍ଦକୋଟ ସ୍ଥିତ ହରିହର ମର୍ଦ୍ଦରାଜ ହାଇସ୍କୁଲ, କାଳିମେଘି ହାଇସ୍କୁଲ ଓ ଚିଙ୍ଗୁଡିଖୋଲ ହାଇସ୍କୁଲ l ଚଳିତ ବର୍ଷ ପରୀକ୍ଷା ରେ କୌଣସି ପିଲା ଏ – ୧ ତାଲିକାରେ ନଥିବା ଜଣା ପଡିଛି l
