ନୟାଗଡ଼,୨୮/୦୮/୨୦୨୦: ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଅନ୍ତର୍ଗତ ରୋହିବାଙ୍କଠାରେ ବାଘୁଆ ଶିଶୁ ଉଦ୍ୟାନ ନେଇ ଆଜି ଭୂମି ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ତଥା କୃଷି ମନ୍ତ୍ରୀ ଡ. ଅରୁଣ କୁମାର ସାହୁ ଭିସି ମାଧ୍ୟମରେ ଯୋଗ ଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ, ସରପଂଚ ମୁରଲୀଧର ପ୍ରଧାନ, ସମିତି ସଭ୍ୟ ଦିଲେଶ୍ୱର ପାତ୍ର ପ୍ରମୂଖ ଯୋଗ ଦେଇଥିଲେ । ଆଜିର ଭୂମି ପୂଜନ କାର୍ଯ୍ୟକ୍ରମକୁ ଉଦ୍ୟୋକ୍ତା ପ୍ରସନ୍ନ କୁମାର ସେଠୀ ପରିଚାଳନା କରିଥିବା ଜଣାଯାଇଛି । ସେହିଭଳି ଭାବେ ସମାଜସେବୀ ନୀଳାଞ୍ଚଳ ଗୈାଡ଼, ଯୋଗେନ୍ଦ୍ର ନାୟକ ସହଯୋଗ କରିଥିବା ବେଳେ ଜୟମଙ୍ଗଳପ୍ରସାଦ ଗ୍ରାମବାସୀଙ୍କ ପୂର୍ଣ୍ଣ ସମର୍ଥନ ଓ ସହଯୋଗରେ କାର୍ଯ୍ୟକ୍ରମ ଆଗେଇଥିବା ଜଣାଯାଇଛି।
ରିପୋର୍ଟ : ରବିନ୍ଦ୍ର ପ୍ରଧାନ
