ନୟାଗଡ଼,୦୧/୦୯/୨୦୨୦: ଇଟାମାଟି ଥାନା ଅନ୍ତର୍ଗତ ଇକିରି ପଂଚାୟତ ଖଇରପଟି ଗ୍ରାମରେ ଏକ ଅଭାବନୀୟ ଘଟଣା କ୍ରମରେ ବଜ୍ରାଘାତ କାରଣରୁ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଥିବା ଜଣାଯାଇଛି । ମିଳିଥିବା ସୂଚନା ପ୍ରକାରେ ଖଇରପଟି ଗ୍ରାମର ସୁଧାଂଶୁ ଶେଖର ବେହେରା, ମାନସ ବେହେରା, ସଂଦୀପ ପାତ୍ର ଆଜି ବିରିଡ଼ା ମହନଗୁରୁ ବନ୍ଧ ନିକଟରେ ଥିବା ଏକ କୁଡ଼ିଆରେ ବସିଥିଲେ । ଏହି ସମୟରେ ହଠାତ୍ ବଜ୍ରପାତ ଘଟିବାରୁ ତିନିଜଣ ଗୁରୁତର ଆହତ ହୋଇ ପଡ଼ିଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିବା ବେଳେ ଡାକ୍ତର ସୁଧାଂଶୁଙ୍କୁ ମୃତ ଘୋଷଣା କରିଛନ୍ତି । ଅନ୍ୟ ଦୁଇ ଜଣ ଜିଲ୍ଲା ମୁଖ୍ୟ ଚିକିତ୍ସାଳୟର ଆଶୁ ଚିକିତ୍ସା ବିଭାଗରେ ଚିକିତ୍ସିତ ହେଉଥିବା ଜଣାଯାଇଛି ।
ରିପୋର୍ଟ – ରବୀନ୍ଦ୍ର ପ୍ରଧାନ ।
