ଗୁଡିପାଲି ଖେଳରୁ ସଂପର୍କିୟ ଭାଇକୁ ହତ୍ୟା କଲା ଭାଇ

ବ୍ରହ୍ମପୁର,୦୫/୦୯/୨୦୨୦: ( ଟୁକୁନା ପ୍ରଧାନ ) – :ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବ୍ଲକ ବୁଡାଆମ୍ବ ପଞ୍ଚାୟତର ମୁକ୍ତାମାଳା ଚମ୍ପେତପୁରରେ ଏକ ଅଭାବନୀୟ ଘଟଣା ଘଟିଛି । ନିଜ ସଂପର୍କିୟ ଦଦା ପୁଅ ଭାଇକୁ ଏକ ଛୁରୀ ରେ ହତ୍ଯା କରିଛି ବଡ଼ବାପାଙ୍କ ପୁଅ ଭାଇ । ଗୁଡିପାଲି ଖେଳକୁ ନେଇ ସଂପର୍କିୟ ଭାଇ ଭାଇ ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା । ନୃସିଂହ ଗୌଡ଼ ଅତ୍ୟଧିକ ମାତ୍ରାରେ ରାଗରେ ଜର୍ଜରିତ ହୋଇ ନିଜ ସଂପର୍କିୟ ଭାଇ ବାବୁଲା ଗୌଡ଼ ର ପେଟକୁ ୩ ଯାଗାରେ ଛୁରା ଭୁସି ଆକ୍ରମଣ କରିଥିଲେ । ଯାହା ଫଳରେ ଛୁରା ମାଡ଼ରେ ବାବୁଲା ଗୌଡ଼ ଅତ୍ୟଧିକ ମାତ୍ରାରେ ରକ୍ତ ବାନ୍ତି କରୁଥିବା ବେଳେ ପୋଲସରା ମେଡ଼ିକାଲରେ ପହଞ୍ଚିବା ପୂର୍ବରୁ ବାବୁଲା ଗୌଡ଼ ଙ୍କର ପ୍ରାଣବାୟୁ ଉଡିଯାଇଥିଲା । ମେଡିକାଲ୍ ରେ ପହଁଞ୍ଚିବା ପରେ ଡାକ୍ତର ମୃତ ଘୋଷଣା କରିଥିଲେ । ଉକ୍ତ ହତ୍ୟା କାଣ୍ଡ ପରେ ସଂପର୍କିୟ ଭାଇ ଫେରାର୍ ଥିବା ବେଳେ ପୋଲସରା ପୋଲିସ ଓ କବିସୂର୍ଯ୍ୟନଗର ପୋଲିସ ତଦନ୍ତ କରୁଥିବା ଜଣାପଡିଛି ।