ବ୍ରହ୍ମପୁର, ୦୬/୦୯/୨୦୨୦ , ପାଟପୁର ଥାନା ଅନ୍ତର୍ଗତ ପାଇକ ରାମଚନ୍ଦ୍ରପୁର ଗ୍ରାମର ଜନୈକ କଲେଜ ପଢୁଆ ନାବାଳକ ଗତକାଲି ଅପରାହ୍ନରୁ ଘରୁ ନିଖୋଜ ଥିବାବେଳେ ରାତିରେ ପରିବାର ଓ ଗ୍ରାମବାସୀଙ୍କ ପକ୍ଷରୁ ବହୁ ଖୋଜାଖୋଜି ପରେ ଗ୍ରାମ ପୂର୍ବରେ ପମ୍ପ ଘର ନିକଟ ନଇତଡ଼ ଜାମୁକୋଳି ଗଛରୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା ।ସ୍ଥାନୀୟ ଥାନାକୁ ସୂଚନା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ ଜାରୀ ରଖିଛି ।ସାଇଣ୍ଟ୍ ଫିକ ଟିମ୍ ଓ ସଂଧାନି କୁକୁର ସହାୟତାରେ ଘଟଣାର ଖୋଳତାଡ଼ ସହ ପାରିପାର୍ଶିକ ସ୍ଥିତି ଅନୁଧ୍ୟାନ କରୁଅଛି ।
ମିଳିଥିବା ସୂଚନା ପ୍ରକାରେ ଗ୍ରାମର ଅମିନ ବିଶୋୟୀଙ୍କ ପୁଅ ରାହୁଲ ବିଷୋୟୀ କାଲି ଅପରାହ୍ନ ସମୟରୁ ବାହାରକୁ ଚାଲିଯାଇଥିଲା । ସାଙ୍ଗଙ୍କ ସହ ଥିବ ଭାବି ଘରେ କେହି ଏ କଥା ନଜରକୁ ଆଣିନଥିଲେ । ପରନ୍ତୁ ସନ୍ଧ୍ୟା ସମୟରେ ରାହୁଲ ଘରକୁ ନ ଫେରିବାରୁ ପରିବାର ପକ୍ଷରୁ ଖୋଜା ପଡ଼ିଥିଲା । ପରିବାର ଓ ଗ୍ରାମବାସୀଙ୍କ ପକ୍ଷରୁ ବହୁ ଖୋଜାଖୋଜି ପରେ ରାତି ଦଶଟା ସମୟରେ ରାହୁଲ କୁ ଏକ ନିର୍ଜନ ନିକାଞ୍ଚନ ଜାଗାରେ ଏକ ଜାମୁକୋଳି ଗଛଡ଼ାଳରେ ବେକରେ ଗାମୁଛା ବାନ୍ଧି ଝୁଲୁଥିବା ଅବସ୍ଥାରେ ଦେଖିବାକୁ ମିଳିଥିଲା ।
ସୁଚନା ପାଇ ପାଟପୁର ପୋଲିସ୍ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲା । ପ୍ରତ୍ୟୁଷରେ ସାଇଣ୍ଟି ଫିକ୍ ଟିମ୍ ଉପସ୍ଥିତିରେ ଶବ ଉଦ୍ଧାର କରି ବ୍ୟବଚ୍ଛେଦ ବ୍ୟବସ୍ଥା କରିଥିଲା ।ଝୁଲନ୍ତା ଅବସ୍ଥାରେ ଥିବା ସ୍ଥିତି ଓ ପାରିପାଶ୍ୱିକ ଅବସ୍ଥାକୁ ଦେଖି ଏହା ହତ୍ୟାକାଣ୍ଡ ହୋଇଥିବା ନେଇ ମୃତକଙ୍କ ବାପା ଥାନାରେ ଏତଲା ଦାଏର କରିଥିବା ଜଣାଯାଇଛି ।ଥାନା ପକ୍ଷରୁ ଏତଲା ଗ୍ରହଣ କରାଯାଇ ବ୍ୟବଚ୍ଛେଦ ରିପୋର୍ଟ ଆଧାରରେ ତଦନ୍ତ କ୍ରିୟାଶୀଳ କରାଯିବା ନେଇ ଥାନା ଅଧିକାରୀଙ୍କ ସୂତ୍ରରୁ ସୂଚନା ଦିଅ ଯାଇଅଛି ।
ରିପୋର୍ଟ – ସନ୍ତୋଷ କୁମାର ଦାଶ
