କୁକୁଡ଼ାଖଣ୍ଡି ବ୍ଲକରେ ଗାନ୍ଧୀଜିଙ୍କ ୧୫୧ ତମ ଜନ୍ମତିଥି ପାଳିତ ।

କୁକୁଡ଼ାଖଣ୍ଡି,୦୨/୧୦/୨୦୨୦:ସ୍ଥାନୀୟ ବ୍ଲକରେ କୋଭିଡ କଟକଣା ମଧ୍ୟରେ ଜାତିର ପିତା ମହାତ୍ମା ଗାନ୍ଧୀଙ୍କ ୧୫୧ ତମ ଜନ୍ମତିଥି ପାଳିତ ହୋଇଯାଇଛି। ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଗଦାଧର ପାତ୍ରଙ୍କ ଅଧ୍ୟକ୍ଷତାରେ ପ୍ରଥମେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ବଳନ କରିଥିଲେ ।ପରେ ବ୍ଲକ ପ୍ରଶାସନ ପକ୍ଷରୁ ବ୍ଲକ ପରିସରରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଇଥିବା ସମସ୍ତଙ୍କୁ ଗାନ୍ଧୀଙ୍କ ନିତି ଆଦର୍ଶରେ ଚାଲିଲେ ସମାଜରେ ଶାନ୍ତ ବାତାବରଣ ଗଢ଼ିଉଠିବ, ସେଥିପାଇଁ ସମସ୍ତେ ଗାନ୍ଧିଜୀଙ୍କ ଅନୁପ୍ରାଣିତ ହେବାପାଇଁ ନିହାତି ଆବଶ୍ୟକତା ରହିଛି ବୋଲି ବିଡିଓ ଶ୍ରୀ ପାତ୍ର କହିଛନ୍ତି । ଏହି ଅବସରରେ ପଞ୍ଚାୟତ ସମିତି ଅଧ୍ୟକ୍ଷ କାମାକ୍ଷା ପ୍ରସାଦ ପାତ୍ର, ମୁଖ୍ୟ କିରାଣୀ ସାହେବ ଶବର, ବ୍ଲକ ବିଜେଡି ସଭାପତି ସନ୍ତୋଷ କୁମାର ଚୌଧୁରୀ, ସମବାୟବିତ୍ ସୁଧୀର ରାଉତ, ଆତ୍ମା ଅଧ୍ୟକ୍ଷ ହିମାଂଶୁ ପାଢ଼ୀ, ରାଜ୍ୟ ସହ ସମ୍ପାଦକ କୈଳାଶ ଚନ୍ଦ୍ର ରଣା, ଜିଲ୍ଲା ଭିନ୍ନକ୍ଷମ ନେତା କେ.ମଣିବାବୁ,ସରପଞ୍ଚ ଅଦଲ ଚେନୋୟା, ସାଂସଦ ପ୍ରତିନିଧି ଟି.ଘରୁ ପାତ୍ର , ଜିଲ୍ଲା ପରିଷଦ ସଭ୍ୟା ନିରୁପମା ପାତ୍ର, ପୂର୍ବତନ ସମିତି ସଭ୍ୟ ବି.ରବିନ୍ଦ୍ର ପାତ୍ର , ସମିତି ସଭ୍ୟ ନାରାୟଣ ପାଣିଗ୍ରାହୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।