ନୟାଗଡ଼,୦୮/୧୦/୨୦୨୦:ନୟାଗଡ଼ ଜିଲ୍ଲା ଇଟାମାଟି ଥାନା ଅଂଚଳର ପାନ ଦୋକାନରେ ବିଦେଶୀ ମଦ ବିକ୍ରି ହେଉଥିବା ନେଇ ପୁଲିସ ଗତକାଲି କୈାଣସି ସୁତ୍ରରୁ ଖବରପାଇ ଚଢ଼ାଉ କରିଥିବା ବେଳେ ୧୨୩ ବୋତଲ ମଦ ଜବତ କରିବା ସହ ଦୋକାନୀଙ୍କୁ ଗିରଫ କରିଥିବା ଜଣାଯାଇଛି । ସୂଚନାନୁସାରେ, ଇଟାମାଟି ଥାନା ଅନ୍ତର୍ଗତ ହରେକୃର୍ଷ୍ଣପୁର ଗ୍ରାମରେ ଦୀନବନ୍ଧୁ ମହାନ୍ତିଙ୍କ ପୁଅ କୃଷ୍ଣଚନ୍ଦ୍ର ମହାନ୍ତିଙ୍କର ଏକ ପାନ ଦୋକାନ ରହିଛି । ସେ ତାଙ୍କ ଦୋକାନରେ ମଦ ବିକ୍ରି କରୁଥିବା ଖବରପାଇ ପୁଲିସ ଚଢ଼ାଉ ସମୟରେ ୧୨୩ଟି ୧୮୦ ଏମ୍ଏଲ୍ ମଦ ବୋତଲ ଜବତ କରାଯାଇଛି । ବିଭିନ୍ନ ବ୍ରାଣ୍ଡର ସମୁଦାୟ ୨୨ ଲିଟର ୧୪୦ ଏମ୍ଏଲ୍ ମଦ ଜବତ କରାଯାଇଥିବା ଥାନା ଅଧିକାରୀ ଦୀପକ ଖଣ୍ଡାୟତରାୟ ସୂଚନା ଦେଇଛନ୍ତି । ଅଭିଯୁକ୍ତ କୃର୍ଷ୍ଣଚନ୍ଦ୍ରଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।
ରିପୋର୍ଟ: ରବିନ୍ଦ୍ର ପ୍ରଧାନ
