ତପ୍ତପାଣି ଘାଟିରେ ପୁଣି ଓଲଟିଲା ଯାତ୍ରୀବାହୀ ବସ । ବହୁ ଆହତ ସୂଚନା ।

ବ୍ରହ୍ମପୁର,୧୫/୧୦/୨୦୨୦: ଗଞ୍ଜାମ ଗଜପତି ସୀମାନ୍ତ ଦିଗପହଣ୍ଡି ରାୟଗଡା ୩୨୬ ନଂ ଜାତୀୟ ରାଜପଥର ପାଟପୁର ଥାନା ଅଞ୍ଚଳ ତପ୍ତପାଣି ଘାଟିର ସର୍ପିଳ ରାସ୍ତାରେ ବାରମ୍ବାର ଦୁର୍ଘଟଣା ଘଟୁଥିଲେ ମଧ୍ୟ ଜାତୀୟ ରାଜପଥ କର୍ତ୍ତୃପକ୍ଷ ନଜରକୁ ଆଣୁ ନଥିବା ଜଣାଯାଇଛି !ଏଇ ମିଳିଥିବା ସଦ୍ୟ ସୂଚନା କ୍ରମରେ ରାତି ସାଢ଼େ ୯ ଘଟିକା ସମୟରେ ତପ୍ତପାଣି ଘାଟି ପାଳୁଖୋଳା ଗଡ଼ିଆଣି ବଙ୍କା ରାସ୍ତା ଠାରେ ଏକ କଲେଜ ବସ ଓଲଟିଥିବା ବେଳେ ୨୫ ଜଣ ଆହତ ହୋଇଥିବା ସୂଚନା ମିଳିଅଛି । ବସ ଟି ଗଜପତିରୁ ଭୂବନେଶ୍ୱର ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇ ଓଲଟିଥିବା ସୂଚନା ମିଳିଛି । ଖବର ପାଇ ପାଟପୁର ଥାନା ପୋଲିସ ଏବଂ ସାନଖେମୁଣ୍ଡି ଅଗ୍ନିଶମ ବାହିନୀ ସହ ଆମ୍ବୁଲାନ୍ସ ଦୁର୍ଘଟଣା ସ୍ଥଳକୁ ଯାଇଥିବା ଜଣାଯାଇଛି । ମିଳିଥିବା ତଥ୍ୟ ଅନୁଯାୟୀ ସମସ୍ତ ଗଜପତି ଜିଲ୍ଲା ର ଛାତ୍ର ଛାତ୍ରୀ । ଓଜେଇଇ ପରୀକ୍ଷା ଦେବାପାଇଁ ଭୁବନେଶ୍ୱର ଯାଉଥିଲେ ଦୁର୍ଘଟଣା ଘଟିଥିବା ଜଣାଯାଇଛି।