ମେଡିକାଲ୍ ପରୀକ୍ଷା ରେ ଶିବାନୀ ଙ୍କ ସଫଳତା ପାଇଁ ପଂଚାୟତ ପକ୍ଷରୁ ଶୁଭେଚ୍ଛା ଓ ସମ୍ବର୍ଦ୍ଧନା

ବ୍ରହ୍ମପୁର, ୧୮/୧୦/୨୦୨୦( ଟୁକୁନା ପ୍ରଧାନ) ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ବ୍ଲକ ପାଇକ ଯମୁନା ପଂଚାୟତ ର ନିମୁଣ୍ଡିଆ ଗ୍ରାମର ଶିବାନୀ ନାହାକ ମେଡିକାଲ୍ ପରୀକ୍ଷା ରେ ସଫଳତା ପାଇବା ପରେ ଆଜି ପଞ୍ଚାୟତ ସଭା ଗୃହ ରେ ବିଧାୟିକା ମଞ୍ଜୁଳା ସ୍ୱାଇଁ, ବିଡ଼ିଓ ବାସୁଦେବ ନାୟକ, ଯୋଗାଣ ଅଧିକାରୀ, ଙ୍କ ସମେତ ସରପଞ୍ଚ ଜ୍ୟୋସ୍ନା ରାଣୀ ବିଶୋଇ, ସମିତି ସଭ୍ୟା ଆରତୀ ସାହୁ ଙ୍କ ସମେତ ବହୁ କର୍ମ କର୍ତ୍ତା , ଶୁଭେଛୁ ଉପସ୍ଥିତ ରହି ଶିବାନୀ ଙ୍କୁ ଶୁଭେଚ୍ଛା ଓ ସମ୍ବର୍ଦ୍ଧନା ଦେଇଥିଲେ । ଗୋପବନ୍ଧୁ ଛାତ୍ର ସଙ୍ଘ ଓ ପଂଚାୟତ ମିଳିତ ଆନୁକୂଲ୍ୟରେ ଆୟୋଜିତ ଉତ୍ସବ ରେ ନିମୁଣ୍ଡିଆ ଗ୍ରାମ ର ଜଣେ ମହିଳା ଡାକ୍ତର ପାଇବା ନେଇ ପଂଚାୟତ ପାଇଁ ଶିବାନୀ ଗୌରବ ଆଣିଛନ୍ତି ବୋଲି ମତ ପ୍ରକାଶ ପାଇଥିଲା । ଏବଂ ଶିବାନୀ ଜଣେ ଗରୀବ ପରିବାର ର, ବାପା ଘନଶ୍ୟାମ ଙ୍କ ମୃତ୍ୟୁ ପରେ ବହୁ କଷ୍ଟ ରେ ମା’ ସୁନିତା ଙ୍କ ପ୍ରେରଣା ରେ ଶିବାନୀ ଙ୍କ ସଫଳତା ସମ୍ପର୍କ ରେ ଆଲୋଚନା କରାଯାଇ ଅତିଥି ମାନଙ୍କ ଦ୍ୱାରା ସମ୍ବର୍ଦ୍ଧନା ଦିଆଯାଇଥିଲା । ଏହି ଉତ୍ସବ ରେ ସତ୍ୟବାନ ସାହୁ, ଉଦୟ ବିଶୋଇ ଙ୍କ ସମେତ ବହୁ ବ୍ୟକ୍ତି ଯୋଗଦେଇ ଥିଲେ ।