ବ୍ରହ୍ମପୁର,୧୦/୦୩/୨୦୨୧: କଙ୍କୋରଡ଼ା ଠାରେ ଶ୍ରୀ ମହାବୀର କ୍ରିକେଟ୍ କ୍ଳବ୍ ଆନୁକୁଲ୍ୟରେ ଅନୁଷ୍ଠିତ ହୋଇଥିବା କ୍ରିକେଟ ଟୂର୍ଣାମେଣ୍ଟ ଇତି ମଧ୍ୟରେ ଉଦଯାପିତ ହୋଇଅଛି । ଉତ୍କଣ୍ଠା ପୂର୍ଣ୍ଣ ଗତକାଲିର ଏହି ଫାଇନାଲ ମ୍ୟାଚ କଉଡ଼ିଆ ଓ ନାରାୟଣପୁର ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ନାରାୟଣପୁର ଦଳ ଚିତ୍ତାକର୍ଷକ ଖେଳ ପ୍ରଦର୍ଶନ କରି ଫାଇନାଲ ବିଜୟୀ ହୋଇଥିଲା ।
ଆୟୋଜକ ଦ୍ଵାରା ଆୟୋଜିତ
ଉଦଯାପନୀ ଉତ୍ସବରେ ମୁଖ୍ୟ ଅତିଥିଭାବେ ସାନଖେମୁଣ୍ଡି ବିଧାୟକ ଶ୍ରୀ ରମେଶ ଚନ୍ଦ୍ର ଜେନା ଯୋଗଦେଇ ଗ୍ରାମୀଣ ଯୁବକଙ୍କ ମନରେ ଥିବା କ୍ରିକେଟ୍ ପ୍ରତି ଦୁର୍ବଳତା ଟୂର୍ଣାମେଣ୍ଟ ଆୟୋଜକଙ୍କ ପାଇଁ ଚାଲେଞ୍ଜ ସୃଷ୍ଟି କରୁଥିବା ସହ ଗ୍ରାମୀଣ କ୍ରିକେଟରଙ୍କ ମନୋବଳକୁ ବଢ଼ାଉଥିବାରୁ ଟୂର୍ନାମେଣ୍ଟ ଆୟୋଜକଙ୍କୁ ଧନ୍ୟବାଦ ପ୍ରଦାନ କରିଥିଲେ । ମୁଖ୍ୟବକ୍ତା ଭାବେ ବିଶିଷ୍ଟ ଯୁବନେତା ତଥା ସଂଗଠକ ଶ୍ରୀ ଅରବିନ୍ଦ ନାୟକ ଅଞ୍ଚଳରେ କ୍ରୀଡା ଭିତ୍ତିଭୂମିର ବିକାଶ ନେଇ ସରକାରଙ୍କ ଯୋଜନା ସମନ୍ଧରେ ମତବ୍ୟକ୍ତ କରି ବିଧାୟକଙ୍କ ଉଦ୍ୟମକୁ ତାରିଫ୍ କରିଥିଲେ । ଶ୍ରୀ ତ୍ରିନାଥ ମହାନ୍ତି , ଗୌରୀ ଶଙ୍କର ରଣା , ଅଶୋକ ଖୁଣ୍ଟିଆ , ରୋହିତ ପ୍ରଧାନ , ଯୋଗେନ୍ଦ୍ର ଜେନା , ବନବାସୀ ନାହାକ ପ୍ରମୁଖ ମଞ୍ଚାସିନ ରହି ନିଜନିଜ ବକ୍ତବ୍ୟ ରଖିଥିଲେ ।
ଗ୍ରାମ ସ୍ଥିତ ଚୈତନ୍ୟ ଯୁବସଂଘର ସମ୍ପୂର୍ଣ୍ଣ ସହଯୋଗରେ ଅନୁଷ୍ଠିତ ଏହି ଟୂର୍ନାମେଣ୍ଟ ସମିତି ସଭ୍ୟ ପ୍ରତାପ ଚନ୍ଦ୍ର ପ୍ରଧାନଙ୍କ ତତ୍ବାବଧାନରେ ଆୟୋଜିତ ହୋଇଥିବା ବେଳେ ଜଗନ୍ନାଥ ରଥ , ସୁନୀଲ ପ୍ରଧାନ , ସଂଗ୍ରାମ ପରିଡ଼ାଙ୍କ ସହ ଅଞ୍ଚଳ ବୁଦ୍ଧିଜୀବି ସହଯୋଗ କରିଥିଲେ ।
