ବୁଗୁଡା,୨୫/୦୩/୨୦୨୧:ଭଞ୍ଜନଗର ଅବକାରୀ ବିଭାଗ ପକ୍ଷରୁ ପେଟ୍ରୋଲିଙ୍ଗ କରୁଥିବା ସମୟରେ ମାର୍ଚ୍ଚ ୨୫ ତାରିଖ ସକାଳେ ବେଗରେ ଭର୍ତ୍ତି ହୋଇଥିବା ୩୨.୦୨୫ କେଜି ଗଞ୍ଜେଇ ସହ ଓଡ଼ି ୧୨ ଡ଼ି ୦୮୩୦ ସ୍କୁଟି ଜବତ କରିଛନ୍ତି । ଭଞ୍ଜନଗର ଅବକାରୀ ଥାନ ଅନ୍ତର୍ଗତ ଦୁର୍ଗା ପ୍ରସାଦ ଜଙ୍ଗଲ ରେ ଏପରି ଘଟଣା ଘଟିଥିବା ବେଳେ ଅବକାରୀ ଗାଡିକୁ ଦେଖି ଗଞ୍ଜେଇ ଭର୍ତ୍ତି ବେଗ ସହ ସ୍କୁଟିକୁ ଛାଡି, ଅନ୍ଧାରର ସୁଯୋଗରେ ଆସାମୀ ଖସି ଯିବାରେ ସଫଳ ହୋଇଛି । ଅବକାରୀ ବିଭାଗ ପକ୍ଷରୁ ସେହି ଅଞ୍ଚଳରେ ସର୍ଚ୍ଚ ଅପେରସନ ଜାରି ରହିଥିବା ସତ୍ତ୍ୱେ ଆସାମୀକୁ ଧରିବାକୁ ବିଫଳ ହୋଇଛି । ସ୍କୁଟିର ରେଜିଷ୍ଟ୍ରେସନ ନମ୍ବରକୁ ଆଧାର କରି ଅବକାରୀ ବିଭାଗ ଅନ୍ୟ ବିଭାଗ ସହଯୋଗରେ ମିଳିତ ଅନୁସନ୍ଧାନ ଜାରି ରଖିଥିବା ବେଳେ ଖୁବ ଶୀଘ୍ର ଆସାମୀଙ୍କୁ ଧରାଯିବ ବୋଲି ଭଞ୍ଜନଗର ଅବକାରୀ ଥାନା ଉପନିରୀକ୍ଷକ ପାର୍ଥ ସାରଥୀ ରାଉତ କହିଛନ୍ତି। କନ୍ଧମାଳରୁ ଭାୟା ଭଞ୍ଜନଗର ଦେଇ ଭୁବନେଶ୍ୱର ଗଞ୍ଜେଇ ଚୋରା ଚାଲାଣର ମୁଖ୍ୟ କରିଡ଼ର ହେଇଥିବା ବେଳେ ଉଭୟ ଅବକାରୀ ଓ ପୋଲିସ ବିଭାଗ ପାଇଁ ଏକ ବଡ ଚେଲେଞ୍ଜ ହୋଇଛି। ଆଗକୁ ଚୋରା ଚାଲାଣ ରୋକିବାକୁ କେଉଁ ପନ୍ଥା ଅବଲମ୍ବନ କରୁଛନ୍ତି ଦେଖିବାକୁ ବାକି ରହିଲା।
ରିପୋର୍ଟ: ଅନିଲ କୁମାର ମହାରଣା
