ବୁଗୁଡା,୦୯/୦୪/୨୦୨୧: ବୁଗୁଡା ବ୍ଲକର ବାଲିପଦର ଗ୍ରାମର ଘୁମୁସର ତାଲୁକା ବିଶ୍ଵକର୍ମା ସମାଜ ସଭା ଗୃହରେ ଏପ୍ରିଲ ୯ ତାରିଖ ଶୁକ୍ରବାର ଦିନ “ମୋ ଗାଁ ରେ ତହସିଲ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବୁଗୁଡା ତହସିଲଦାର ସଂଗ୍ରାମ କେଶରୀ ଜେନାଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ୮ ଗୋଟି ପଟ୍ଟା ପରିବର୍ତ୍ତନ, ୬ ଗୋଟି ଜମି କିସମ ପରିବର୍ତ୍ତନ, ୧୨ ଗୋଟି ଗ୍ରାମ କଣ୍ଟକ ପଟ୍ଟା ପରିବର୍ତ୍ତନ ଓ ଅନ୍ୟାନ୍ୟ ୮ ଗୋଟି ବିଷୟ, ଏହିପରି ମୋଟ ୩୪ ଗୋଟି ଆବେଦନର ବିଚାର କରି ପଟ୍ଟା ଓ ପ୍ରମାଣ ପତ୍ର ପ୍ରଦାନ କରାଯାଇଥିଲା। ତହସିଲ ଅଧିନସ୍ଥ ରାଜସ୍ୱ ବିଭାଗ କର୍ମଚାରୀ ବୃନ୍ଦ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ରିପୋର୍ଟ: ଅନିଲ କୁମାର ମହାରଣା
