ବ୍ରହ୍ମପୁର,୧୦/୦୪/୨୦୨୧ଟୁକୁନା ପ୍ରଧାନ)-: ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ବୁରୁଝୁରୀ ଗ୍ରାମରୁ ଆଉ ଏକ ଅହିରାଜ ସାପ ଉଦ୍ଧାର କରାଯାଇଛି । ବନ ବିଭାଗ ଓ ସ୍ନେକ ହେଲ୍ପ ଲାଇନ ସଦସ୍ୟଙ୍କ ମିଳିତ ଉଦ୍ୟମରେ ଏହି ଅହିରାଜକୁ ଶୁକ୍ରବାର ବିଳମ୍ବିତ ରାତ୍ରିରେ ଉଦ୍ଧାର କରାଯାଇଛି । ଗ୍ରାମର ଜୟରାମ ମୁଦୁଲିଙ୍କ ହାଣ୍ଡି ତିଆରି ହେଉଥିବା ଶାଳରେ ସାପଟିକୁ ତାଙ୍କ ସ୍ତ୍ରୀ ଦେଖିଥିଲେ । ପ୍ରଥମେ ବନ ବିଭାଗ କର୍ମଚାରୀ ପହଁଚି ସ୍ନେକ ହେଲ୍ପ ଲାଇନକୁ ଖବର ଦେବା ପରେ ସ୍ନେକ ହେଲ୍ପ ଲାଇନ କର୍ମଚାରୀ ପହଞ୍ଚି ସାପଟିକୁ ଉଦ୍ଧାର କରିଥିଲେ । ଉଦ୍ଧାର ଅହିରାଜଟିର ଲମ୍ବ ପ୍ରାୟ ୧୦ଫୁଟ ହେବ । ବାରମ୍ବାର ସାପ ଗ୍ରାମରେ ପଶୁଥିବା ବେଳେ ଲୋକେ ଭୟଭୀତ ଅଛନ୍ତି ।ପୂର୍ବରୁ ମଧ୍ଯ ଏହି ପଞ୍ଚାୟତ ରୁ ୨ ଗୋଟି ଅହିରାଜ ଉଦ୍ଧାର ହୋଇଥିଲା ।
