ବ୍ରହ୍ମପୁର,୧୬/୦୫/୨୦୨୧:ଆଜି ସହର ର ଅଗ୍ରଣୀ ସ୍ବେଚ୍ଛାସେବୀ ସଂଗଠନ “ବ୍ରହ୍ମପୁର ସବୁଜ ବାହିନୀ” ଓ ରକ୍ତଭଣ୍ଡାର ମିଳିତ ଉଦ୍ୟମରେ “ଆସନ୍ତୁ ଗଢିବା ରକ୍ତ ସମ୍ପର୍କ ” ନାମକ ରକ୍ତ ଦାନ ଶିବିର ଚଳିତ ବର୍ଷର ପଞ୍ଚମ ପର୍ଯ୍ୟାୟରେ ବ୍ରହ୍ମପୁର ରକ୍ତ ଭଣ୍ଡାର ପରିସରରେ ଅନୁଷ୍ଠିତ ହୋଇଯାଇଛି। ରକ୍ତଦାତା ମାନେ ରକ୍ତଭଣ୍ଡାର କୁ ଆସି ସ୍ଵେଛାକୃତ ଭାବେ ରକ୍ତଦାନ କରିଥିଲେ । ବର୍ଷ ତମାମ ସବୁଜ ବାହିନୀ ତରଫରୁ ” ଆସନ୍ତୁ ଗଢିବା ରକ୍ତ ସମ୍ପର୍କ” କାର୍ଯ୍ୟକ୍ରମ ଜାରି ରହିଛି। ଏହି ଶିବିରର ମୁଖ୍ୟ ଉଦ୍ଦେଶ୍ୟ ହେଉଛି କୋରନା ମହାମାରୀ ଭିତରେ ବ୍ରହ୍ମପୁର ରକ୍ତ ଭଣ୍ଡାରରେ ରକ୍ତ ଅଭାଵକୁ ଦୂର କରିବା ସହ କୋରନା ଟୀକା ନେବା ପୂର୍ବରୁ ରକ୍ତଦାନ କରିବା ନେଇ ସଚେତନତା ବାର୍ତ୍ତା ଦେବା ସହ ଓ ବିଶେଷ କରି ଥାଲସେମିଆ ରୋଗୀମାନଙ୍କ ପାଇଁ ରକ୍ତ ଭଣ୍ଡାରରେ ରକ୍ତର ଘୋର ଅଭାବକୁ ଦୃଷ୍ଟିରେ ରଖି ରକ୍ତଦାନ କରି ସହଯୋଗର ହାତ ବଢ଼ାଇବା। । ଏହି କାର୍ଯ୍ୟକ୍ରମରେ ସବୁଜ ବାହିନୀର ସଭାପତି ଶିବରାମ ପାଣିଗ୍ରାହୀ କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ଗଣେଶ ପାଣିଗ୍ରାହୀ,ସାଗର ସାହା, ପ୍ରବୀଣ ନାୟକ,ପ୍ରକାଶ ଗୁପ୍ତା, ରାଜଶେଖର,ବିଷ୍ଣୁ ପ୍ରସାଦ ଦାସ, ସତ୍ୟ ନାରାୟଣ ଦାସ, ନାଗରାଜ ଆଚାରୀ ପ୍ରମୁଖ ରକ୍ତଦାନ କରି ଉକ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ।
