ବ୍ରହ୍ମପୁର,୨୩/୦୫/୨୦୨୧:କରୋନା ମହାମାରୀ ସମୟରେ ବିଭିନ୍ନ ପର୍ଯ୍ୟଟନସ୍ଥଳୀ ଠପ୍ ହୋଇଯାଇଥିବା ବେଳେ ସ୍ଥାନୀୟ ପଶୁପକ୍ଷୀଙ୍କ ଅନାହାରରେ ମୃତ୍ୟୁ ହେବାର ଆଶଙ୍କା ବଢ଼ୁଥିବାରୁ ଏହାକୁ ଦୃଷ୍ଟିରେ ରଖି ବ୍ରହ୍ମପୁର ସହର ର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ” ବ୍ରହ୍ମପୁର ସବୁଜ ବାହିନୀ” ପକ୍ଷରୁ ବିଭିନ୍ନ ପର୍ଯ୍ୟଟନ ସ୍ଥଳୀରେ ପଶୁପକ୍ଷୀଙ୍କ ପାଇଁ ମାସ ତମାମ ଖାଦ୍ୟ ବ୍ୟବସ୍ଥା କରି ଆସୁଥିବାବେଳେ ଆଜି ସଂଗଠନ ପକ୍ଷରୁ ନିକଟସ୍ଥ ପଶୁ ଚିକିତ୍ସାଳୟଠାରେ ଆହତ ଗୋରୁଗାଈ ପାଇଁ ଖାଦ୍ୟର ବ୍ୟବସ୍ଥା କରାଯାଇଥିଲା ଓ ଏଭଳି କାର୍ଯ୍ୟକ୍ରମ ଆଗକୁ ମଧ୍ୟ ଜାରି ରହିବ ବୋଲି ସବୁଜ ବାହିନୀର ସଭାପତି ଶିବରାମ ପାଣିଗ୍ରାହୀ ମତବ୍ୟକ୍ତ କରିଛନ୍ତି। ଏହି କାର୍ଯ୍ୟକ୍ରମରେ ସଂଗଠନର ଦୀପକ ପାତ୍ର, ଏ. ପ୍ରକାଶ, ସାଗର ସାହ, ପ୍ରବୀଣ ନାୟକ, ଗଣେଶ ପାଣିଗ୍ରାହୀ, ପ.ବିନୋଦ, କୃଷ୍ଣଚନ୍ଦ୍ର ସାହୁ, ସୁଜିତ ଗୌଡ଼ ଏବଂ ଅନ୍ୟାନ୍ୟ ସଦସ୍ୟ ସହଯୋଗ କରିଥିଲେ।
