ଶେରଗଡ,୨୪/୦୫/୨୦୨୧(ଡାକ୍ତର ହୃଷୀକେଶ ମହାନ୍ତି) ଶେରଗଡ ବ୍ଳକ ର ଚିକିଲି ଗାଁ ରେ ବାହାଘର ଭୋଜି ଚାଲିଥିବା ଖବରପାଇ ଶେରଗଡ ତହସିଲଦାର ଦୟାସିନ୍ଧୁ ପରିଡା ଓ ଥାନା ଅଧିକାରୀ ମମତା ସାମନ୍ତରାୟ ସଦଳବଳେ ଏହି ଗାଁ ରେ ପହଞ୍ଚି ଭୋଜିକୁ ବନ୍ଦ କରିବାସହ ରନ୍ଧା ଖାଦ୍ୟ କୁ ଲୋକ ଙ୍କ ଘରେ ବାଣ୍ଟିବା ବ୍ଯବସ୍ଥା ଗ୍ରହଣ କରିଥିଲେ ।ଏହି ଭୋଜିର ଆୟୋଜକ ହରିହର ବେହେରା ଙ୍କ ନାମରେ ଶେରଗଡ ଥାନାରେ ଏତଲା ଦିଆଯାଇଛି ।
ଗଞ୍ଜାମ ଜିଲ୍ଲା ରେ କରୋନା ବେକାବୁ ହେଉଥିବା ବେଳେ ଶହ ଶହ ଲୋକ ଆକ୍ରାନ୍ତ ହୋଇ ବହୁ ଲୋକ ମୃତ୍ୟୁବରଣ କରୁଥିଲେ ମଧ୍ୟ ଗାଁ ଗହଳି ରେ ଜନସାଧାରଣ ଚେତୁନଥିବା ଜଣାପଡିଛି। ଭୋଜିଭାତର ଆସର ଅଧିକ ରୁ ଅଧିକ ପ୍ରତିଦିନ କୋଭିଟ ନିୟମ କୁ ଉଲ୍ଲଘଂନ କରି ଚାଲୁଥିବା ଖବର ମିଳୁଛି । ପ୍ରଶାସନ ପକ୍ଷରୁ ଆହୁରି କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି ।
