ବ୍ରହ୍ମପୁର ,୧୫/୦୮/୨୦୨୧: ୭୫ତମ ଭାରତୀୟ ସ୍ଵାଧୀନତା ଦିବସକୁ ସାରା ରାଷ୍ଟ୍ର ଉତ୍ସାହ ଓ ଉଦ୍ଦୀପନା ସହ ପାଳିତ କରୁଥିବା ଅବସରରେ ସାନଖେମୁଣ୍ଡି ବିଜେପି ପକ୍ଷରୁ ଆଜି ମହାସମାରୋହରେ ପାଳିତ ହୋଇଅଛି । ପାଟପୁର ଗାନ୍ଧୀ ଛକ ନିକଟ ବିଜେପି କାର୍ଯ୍ୟାଳୟରେ ସଂପୂର୍ଣ୍ଣ କୋଭିଡ୍ କଟକଣା ସହିତ ପାଳିତ ଏହି ଦିବସ ପାଳନ ଉତ୍ସବରେ ଅଞ୍ଚଳ ବିଜେପି କାର୍ଯ୍ୟକର୍ତ୍ତା ଓ ଆନୁଗତଙ୍କ ଗହଣରେ ବିଜେପି ଯୁବ ନେତା ଇଞ୍ଜିନିୟର ପ୍ରଦୀପ କୁମାର ପତ୍ରୀ ପତାକା ଉତ୍ତୋଳନ କରିଥିଲେ । ସାମୁହିକ ଜାତୀୟ ସଙ୍ଗୀତ ଗାନ ସହିତ ଅନୁଷ୍ଠିତ ସମ୍ଭାଷଣ କାର୍ଯ୍ୟକ୍ରମରେ ଉପସ୍ଥିତ କର୍ମକର୍ତ୍ତାଙ୍କୁ ଉଦବୋଧନ ଦେଇ ଅଖଣ୍ଡ ଭାରତର ସ୍ଵାଧୀନତା ପାଇଁ ବଳିଦାନ ଦେଇଥିବା ଅମାରାତ୍ମାଙ୍କ ସ୍ମୃତି ଚାରଣ କରାଯାଇଥିଲା । କାର୍ଯ୍ୟକ୍ରମରେ ଜିଲ୍ଲା ସମ୍ପାଦକ ସଂତୋଷ କୁମାର ଲେଙ୍କା , ବିଭୁ ପ୍ରସାଦ ରେଡ୍ଡୀ , ଟୁନା ପରିଡ଼ା , ବିଜୟ ପଣ୍ଡା , ସୁବାସ ବେହେରା , ପ୍ରକାଶ ଅଧିକାରୀ , ସମୀର ବିଷୋୟୀ , କୈଳାସ ଜେନା , ଧର୍ମେନ୍ଦ୍ର ସ୍ବାଇଁ ପ୍ରମୁଖ ଅଂଶ ଗ୍ରହଣ କରିବା ସହିତ ଅଞ୍ଚଳ ସଙ୍ଗଠନର ବ୍ୟାପକତାକୁ ନେଇ ପର୍ଯ୍ୟାଲୋଚନା କରିଥିଲେ ।
ସନ୍ତୋଷ କୁମାର ଦାଶ ।
