ବ୍ରହ୍ମପୁର ,୧୬/୦୮/୨୦୨୧: ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଅନ୍ତର୍ଗତ ଗୌତମୀ ଗ୍ରାମ ରେଡ୍ଡୀ ୟୁଥ୍ ଏସୋସିଏସନ୍ ପକ୍ଷରୁ ୭୫ ତମ ସ୍ବାଧିନତା ଦିବସ ଉପଲକ୍ଷେ ବରିଷ୍ଠ ଶିକ୍ଷକ ଓ ନାଗରିକଙ୍କୁ ସମ୍ବର୍ଦ୍ଧିତ କରାଯିବା ସହିତ ସମ୍ମାନିତ କରାଯାଇଅଛି ।ଏଥି ସହିତ ସପ୍ତମ ରୁ ଯୁକ୍ତ ଦୁଇ ପର୍ଯ୍ୟନ୍ତ ସମସ୍ତ ଶିକ୍ଷାର୍ଥୀଙ୍କୁ ନେଇ ଏକ ପଞ୍ଚାୟତ ସ୍ତରୀୟ ସାଧାରଣ ଜ୍ଞାନ ପ୍ରତିଯୋଗିତାର ଆୟୋଜନ କରି କୃତି ଶିକ୍ଷାର୍ଥୀଙ୍କୁ ପୁରସ୍କୃତ କରାଯାଇଅଛି । ଏସୋସିଏସନ୍ ସଭାପତି ଏସ ପ୍ରଶାନ୍ତ ରେଡ୍ଡୀ , ସମ୍ପାଦକ ୟୁ ମନୋଜ ରାଓଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅବସର ପ୍ରାପ୍ତ ଶିକ୍ଷକ ଶ୍ରୀ ସୋମନାଥ ଲେଙ୍କା , ୟୁ. ଅପରାଓ ବି.ଗଙ୍ଗାଧର , ଅନାମ ସାହୁ , କାଲୁ ଚରଣ ସ୍ବାଇଁ , ଏସ. ରବିନାରାୟଣ ରେଡ଼ି ପ୍ରମୁଖ ଉପସ୍ଥିତ ରହି ପ୍ରତିଯୋଗୀଙ୍କ ଦକ୍ଷତା ମୂଲ୍ୟାୟନ କରିଥିଲେ l କାର୍ଯ୍ୟକ୍ରମରେ ବରିଷ୍ଠ ନାଗରିକଙ୍କୁ ମାନପତ୍ର ସହ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିବା ବେଳେ ସାଧାରଣ ଜ୍ଞାନ ପ୍ରତିଯୋଗିତାରେ କୃତି ଶିକ୍ଷାର୍ଥୀଙ୍କୁ ମାନପତ୍ର ପ୍ରଦାନ କରାଯାଇଥିଲା l ଏହି ଅବସରରେ ଗୌତମୀ ପଞ୍ଚାୟତର ରେଡ଼ି ସମାଜରେ ଥିବା ଗରିବ ମେଧାବୀ ଛାତ୍ରଛାତ୍ରୀଙ୍କୁ ସମସ୍ତ୍ ପାଠ୍ୟ ପୁସ୍ତକ ସହ କଲେଜ ପ୍ରବେଶ ପାଇଁ ରେଡ଼ି ୟୁଥ ଏସୋସେଶନ କ୍ଲବ ତରଫରୁ ଖର୍ଚ୍ଚ ବହନ କରାଯିବା ନେଇ ସଭାପତି ଶ୍ରୀ ରେଡ୍ଡୀ ବିବୃତି ରଖିଥିଲେ । ପରିଶେଷରେ ରେଡ଼ି ୟୁଥ ଏସୋସିଏଶନ କ୍ଳବର ସମସ୍ତ ସଭ୍ୟଙ୍କ ପକ୍ଷରୁ ସମ୍ପାଦକ ୟୁ ମନୋଜ ଧନ୍ୟବାଦ ଅର୍ପଣ କରିଥିଲେ l
ସନ୍ତୋଷ କୁମାର ଦାଶ ।
