ବୁଗୁଡା, ୦୨/୦୯/୨୦୨୧ : ବୁଗୁଡା ଥାନା ଅନ୍ତର୍ଗତ ନଗୁଡୁ ଗ୍ରାମର ଜଣେ ନାବାଳିକା ହରିଜନ ଝିଅକୁ ସେହି ଗ୍ରାମର ସନ୍ତୋଷ ପରିଡା ଗତ ରାତ୍ରରେ ଦୁଷ୍କର୍ମ କରିବା ନେଇ ପିଡ଼ିତାଙ୍କ ପରିବାର ବୁଗୁଡା ଥାନାରେ ଲିଖିତ ଅଭିଯୋଗ କରିଥିବା ଜଣାପଡିଛି। ପିଡ଼ିତା ନାବାଳିକା ଜଣେ ଦଳିତ ପରିବାରର ହୋଇଥିବା ବେଳେ ଅଭିଯୁକ୍ତ ସନ୍ତୋଷ ପରିଡା ସବର୍ଣ୍ଣ ଜାତିର ଅଟନ୍ତି। ପିଡ଼ିତାଙ୍କ ଭାଇଙ୍କ ବୟାନ ପ୍ରକାରେ ସନ୍ତୋଷ ପରିଡା ଙ୍କ ପରିବାର ଲୋକ ଘରେ ତାଲା ପକାଇ କେଉଁଆଡ଼େ ଚାଲି ଯାଇଥିବା କହି ଗତ ରାତ୍ରରେ ସନ୍ତୋଷ ଦଳିତ ପରିବାର ଘରେ ଶୋଇଥିଲେ। ମଧ୍ୟ ରାତ୍ରରେ ସନ୍ତୋଷ ପରିଡା ଦଳିତ ପରିବାରର ମଝିଆ ଝିଅକୁ ବାରିପଟକୁ ଟେକିନେଇ ଦୁଷ୍କର୍ମ କରି ଚାଲିଯାଇଥିଲେ। ସନ୍ତୋଷକୁ କୌଶଳ କ୍ରମେ ଧରି ଗୁରୁବାର ଦିନ ପୋଲିସ ଜିମାଦେଇ ଲିଖିତ ଅଭିଯୋଗ କରିଥିଲେ। ଏନେଇ ବୁଗୁଡା ଥାନା କେସ ନଂ ୪୪୨/୨୧ ପ୍ରକାରେ ଏକ ମାମଲା ରୁଜୁ ହୋଇଥିବା ବେଳେ ସନ୍ତୋଷ ପରିଡାକୁ ଅଟକ ରଖି ଜେରା କରାଯାଉଥିବା ବୁଗୁଡା ଆଇଆଇସି ଚିତ୍ତରଞ୍ଜନ ବେହେରା ପ୍ରକାଶ କରିଛନ୍ତି।
ରିପୋର୍ଟ:ଅନିଲ କୁମାର ମହାରଣା
