ବ୍ରହ୍ମପୁର , ୦୪/୦୯/୨୦୨୧ :
ଭଞ୍ଜନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ଜଗନ୍ନାଥ ପ୍ରସାଦ ବ୍ଲକର ଚଢ଼ିଆପଲ୍ଲୀ ଗ୍ରାମ ପଂଚାୟତରେ ଅନୁଷ୍ଠିତ କଂଗ୍ରେସର ଏକ ପଞ୍ଚାୟତ ସ୍ତରୀୟ ସାଂଗଠନିକ କାର୍ଯ୍ୟକ୍ରମରେ ଶତାଧିକ ବିଜେପି କର୍ମୀ କଂଗ୍ରେସରେ ଯୋଗଦେଇଥିବା ଜଣାଯାଇଛି । କଂଗ୍ରେସରେ. ଯୋଗ ଦେଇଥିବା କର୍ମୀ ଅଶୋକ କୁମାର ପ୍ରଧାନ . ଖଲିଆ ବେହେରା , ପୂର୍ଣ୍ଣ ବେହେରା, ସନ୍ତୋଷ ବେହେରା, କାଳିଆ ମୂଳି , ଗୁରା ପ୍ରଧାନ , ଟୁକୁନା ପ୍ରଧାନ , ରବି ମହାନ୍ତି , ସନ୍ତୋଷ ମହାନ୍ତି , ରମେଶ ସାମଲ ,ବୁବୁନା ସେଠି , ଆଲୋକ ପଟ୍ଟନାୟକ , ସୂଚିତ୍ର ମହାନ୍ତି , ବୁଲୁ ସେଠି , ନଣ୍ଡା ଗନ୍ତାୟତ , ଧୋବା ଗନ୍ତାୟତ , ଧ୍ରୁବସେନ ଗନ୍ତାୟତ , ବାସୁ ଗନ୍ତାୟତ ଓ ଭାସ୍କର ନାୟକ ପ୍ରମୁଖ ଶତାଧିକ ବିଜେପି କର୍ମୀ ରାଜ୍ୟ ବିଜେଡି ଓ କେନ୍ଦ୍ର ବିଜେପି ସରକାରରେ ଚାଲିଥିବା ଜନମାରଣ ନୀତି ଓ ଦୁର୍ନୀତିକୁ ବିରୋଧ କରି ଏକମାତ୍ର ବିକଳ୍ପ ଦଳ ଭାବରେ କଂଗ୍ରେସ ପ୍ରତି ଆସ୍ଥା ରଖିଥିବା ନେଇ ନିଜନିଜ ପ୍ରତିକ୍ରିୟା ରଖିଛନ୍ତି । ଅନ୍ୟ କ୍ରମରେ କାର୍ଯ୍ୟକ୍ରମର ମୁଖ୍ୟ ଅତିଥି ଭାବରେ ଯୋଗଦେଇ ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ତଥା ଯୁବ ସଙ୍ଗଠକ ଶ୍ରୀ ପ୍ରଶାନ୍ତ ବିଷୋୟୀ କଂଗ୍ରେସରେ ସାମିଲ ହୋଇଥିବା କର୍ମୀଙ୍କୁ ସୁସ୍ୱାଗତ କରିବା ସହିତ ଦଳୀୟ ଉତ୍ତରୀୟ ପ୍ରଦାନ କରିଥିଲେ । ଭଞ୍ଜନଗର ବିଧାନସଭା ନିର୍ବାଚନ ମଣ୍ଡଳୀରେ ଦୀର୍ଘଦିନର ବିଜେଡି ଶାସନରେ ସ୍ଥାନୀୟ ନିର୍ବାଚିତ ବିଧାୟକ ତଥା ପୁରୁଖା ମନ୍ତ୍ରୀ ବିକ୍ରମ କେଶରୀ ଆରୁଖଙ୍କ ଏକ ଛତ୍ରବାଦୀ ଦୁର୍ନତିଗ୍ରସ୍ତ ଶାସନ ଓ ବିଜେପିର ଢିଲା ସଂଗଠନକୁ ଆୟୁଧକରି ଆଗାମୀ ଦିନରେ କଂଗ୍ରେସର ପତିଆରା ଭଂଜନଗରରେ ତୀବ୍ର ଓ ବ୍ୟାପକ କରାଯିବା ନେଇ ସେ ନିଜ ବକ୍ତବ୍ୟରେ ଉପସ୍ଥିତ କଂଗ୍ରେସ କର୍ମୀ ଓ କର୍ମକର୍ତ୍ତାଙ୍କୁ ଅନୁପ୍ରାଣିତ କରିଥିଲେ । ଅନୁଷ୍ଠିତ ଏହି କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲା କଂଗ୍ରେସର ସମ୍ପାଦକ ଜବାହାରଲାଲ ସାହୁ , ନାରାୟଣ ସେଠି , ଜଗନ୍ନାଥ ପ୍ରସାଦ ବ୍ଲକ କଂଗ୍ରେସ ସଭାପତି ବିଦ୍ୟାଧର ପ୍ରଧାନ , ମଣ୍ଟୁ ପ୍ରଧାନ , ଲୋକନାଥ ସେଠି ଓ ପିଣ୍ଟୁ ରାଉଳ ପ୍ରମୁଖ ଅଂଶ ଗ୍ରହଣ କରି ବିଜେପି ଛାଡି କଂଗ୍ରେସରେ ସାମିଲ ହୋଇଥିବା କର୍ମୀ ସମୂହଙ୍କୁ ସମ୍ବର୍ଦ୍ଧିତ କରିଥିଲେ ।
ସନ୍ତୋଷ କୁମାର ଦାଶ ।
