ବ୍ରହ୍ମପୁର ,୧୧/୦୯/୨୦୨୧: ଏକ ଦୁଃଖଦ ଘଟଣା କ୍ରମରେ ଗଞ୍ଜାମ ସାନଖେମୁଣ୍ଡି ବ୍ଲକ ସୀଙ୍ଗିପୁର ପଞ୍ଚାୟତର ଖଜୁରୀପଦା ନିବାସୀ ବିଶିଷ୍ଟ ଯୁବ ବ୍ୟବସାୟୀ ସିମାଞ୍ଚଳ ସାହୁଙ୍କ ଅକାଳ ବିୟୋଗ ଘଟିଅଛି । ସ୍ବର୍ଗତ କୃପାସିନ୍ଧୁ ସାହୁଙ୍କ ପୁତ୍ର ୩୫ ବର୍ଷିୟ ସିମାଞ୍ଚଳଙ୍କ ଗତ ୮ ତାରିଖ ବୁଧବାର ସକାଳ ୧୦ ଘଟିକା ସମୟରେ ଅକସ୍ମାତ ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳିଥିବା ସହିତ ଅଞ୍ଚଳ ବ୍ୟବସାୟୀ , ବନ୍ଧୁ ପରିଜନଙ୍କ ମନରେ ବିଷାଦ ସୃଷ୍ଟି କରିଅଛି । ଜଣେ ମେଳାପି ବନ୍ଧୁବତ୍ସଳ ମିଷ୍ଟଭାଷୀ ତଥା ପରୋପକାରୀ ବ୍ୟକ୍ତିତ୍ଵ ଭାବେ ଜଣାଶୁଣା ସ୍ବର୍ଗତ ସିମାଞ୍ଚଳଙ୍କ ବିୟୋଗରେ ଶୁଭେଛୁ ପ୍ରିୟଜନ ଶିକାଭୀଭୂତ ପରିବାରକୁ ସମବେଦନା ଜଣାଇବା ସହିତ ଶ୍ରଦ୍ଧା ସୁମନ ପ୍ରଦାନ କରିଛନ୍ତି ।
