ଶେରଗଡ଼,୦୧/୧୨/୨୦୨୧: ଠୂରୁବୁରାଇ ଗ୍ରାମପଞ୍ଚାୟତ ଅନ୍ତର୍ଗତ ଠୁରୁବୁରାଇ ଗ୍ରାମ ବାଲାଜୀ ବଡ଼ବନ୍ଧ ନିକଟ ମୁଖ୍ୟ ରାସ୍ତା ଛକରେ ଆଜି ଅପରାହ୍ନ ସମୟରେ ମୋଟର ସାଇକେଲ ସହ ଧକ୍କା ହୋଇ ଠୁରୁବୁରାଇ ଧୋବା ସାହି ଗଜେନ୍ଦ୍ର ସେଠି ବୟସ ପ୍ରାୟ ୫୩ ବର୍ଷ,ପିତା(ମୃତ ଲାଭ ସେଠି)ଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି l ଆଜି ଅପରାହ୍ନ ସମୟରେ ଏକ ମୋଟର ସାଇକେଲ ଯୋଗେ ଆଙ୍କୋରଡା ଗ୍ରାମର ତିନିଜଣ ବ୍ୟକ୍ତି ମିଶି କଙ୍କୋରଡା ରାସ୍ତାରେ ଯାଉଥିଲେ l ହଠାତ ଠୁରୁବୁରାଇ ଗ୍ରାମର ଚାରିଛକ ଠାରେ ସମ୍ପୃକ୍ତ ଗ୍ରାମର ଗଜେନ୍ଦ୍ର ସେଠି (53)ପିତା ଲାଭ ସେଠି, ସେହି ରାସ୍ତା ଦେଇ ଯାଉଥିବା ସମୟରେ ଆଙ୍କରୋଡା ଗ୍ରାମର ବୁଢା ମଲ୍ଲିକ ଚଳାଉଥିବା ମୋଟର ସାଇକେଲ OR07R1636 ସହ ମୁହଁମୁହିଁ ଧକ୍କା ହୋଇଛି l ଯାହା ଫଳରେ ଗଜେନ୍ଦ୍ର ସେଠି ଗୁରୁତର ଆହତ ହୋଇଛି ଘଟଣା ସ୍ଥଳରେ ହିଁ ମୃତ୍ୟୁ ଘଟିଛି l ଖବର ପାଇ ଶେରଗଡ଼ ଥାନା ଅଧିକାରୀ ମମତା ସାମନ୍ତରାୟ ଘଟଣା ସ୍ଥଳରେ ପହଞ୍ଚି ମୃତ ଶରୀରକୁ ବ୍ୟବଛେଦ ନିମନ୍ତେ ବ୍ରହ୍ମପୁର ମେଡିକାଲ ପଠାଇଛନ୍ତି ଏବଂ ଥାନାରେ 261/40 ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିବା କଥା ଶେରଗଡ଼ ପୋଲିସ ସୂତ୍ରରୁ ଜାଣିବାକୁ ମିଳିଛି l
ରିପୋର୍ଟ:ଡାକ୍ତର ହୃଷୀକେଶ ମହାନ୍ତି
