ବୁଗୁଡା, ୨୪/୧୨/୨୦୨୧: ବୁଗୁଡା ପିପୁଲସ କଲେଜର ଶିଳ୍ପ ସମ୍ପର୍କ ଓ କାର୍ମିକ ପରିଚାଳନା (ଆଇ.ଆର.ପି.ଏମ.) ବିଭାଗ ନବାଗତ ପ୍ରଥମ ବର୍ଷ (ସମ୍ମାନ) ଛାତ୍ରଛାତ୍ରୀ ମାନଙ୍କୁ ସ୍ୱାଗତ ସମ୍ବର୍ଦ୍ଧନା ଉତ୍ସବ ଡିସେମ୍ବର ୨୪ ତାରିଖ ଦିନ କଲେଜ ପରିସରରେ ଅନୁଷ୍ଠିତ ହୋଇଯାଇଛି। କଲେଜ ପ୍ରିନ୍ସପାଲ ପ୍ରଫେସର ରଜନୀକାନ୍ତ ଦାଶଙ୍କ ଅଧ୍ୟକ୍ଷତାରେ ଏହି ସମ୍ବର୍ଦ୍ଧିନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆଇଆରପିଏମ ବିଭାଗ ମୁଖ୍ୟ ପ୍ରଫେସର ପ୍ରଭଞ୍ଜନ ମୁନିଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥି ଭାବେ ପ୍ରଫେସର ହରେକୃଷ୍ଣ ନାୟକ, ସଞ୍ଜୟ କୁମାର ପ୍ରଧାନ, ଡ଼ଃ ପ୍ରଦୀପ କୁମାର ଦାଶ, ଅଜୟ କୁମାର ସାହୁ, ଆତ୍ମା ପ୍ରକାଶ ନାୟକ, ଅନିତା ଦେବୀ, ଶୁଭସ୍ମିତା ମହାପାତ୍ର, କ୍ରୀଡା ଶିକ୍ଷକ କ୍ରିଷ୍ଣା ରାଓ ପାତ୍ର ଏବଂ କର୍ମଚାରୀ କିଶୋର କୁମାର ପଣ୍ଡା, ସୁଶାନ୍ତ କୁମାର ସାହୁ ଓ ଚିତ୍ରସେନ ପ୍ରଧାନ ପ୍ରମୁଖ ଯୋଗଦେଇଥିଲେ। ଦ୍ଵିତୀୟ ବର୍ଷ ଛାତ୍ରୀ ମୁକ୍ତା ପଣ୍ଡା ସ୍ୱାଗତ ସଙ୍ଗୀତ ଗାନ କରିଥିବା ବେଳେ ପାଠଚକ୍ର ସମ୍ପାଦିକା ସଂଗୀତା ଦାଶ ସମ୍ପାଦକୀୟ ବିବରଣୀ ପାଠ କରିଥିଲେ। ଅତିଥିବୃନ୍ଦ କଲେଜର ନିୟମ ମାନି ଶୃଙ୍ଖଳାର ଅଧ୍ୟୟନ କରିବାକୁ ପରାମର୍ଶ ଦେଇଥିଲେ। ୨୦୧୮ ମସିହାରୁ କ୍ରମାଗତ ଭାବେ ବୁଗୁଡା କଲେଜର ଆଇ.ଆର.ପି.ଏମ. ବିଭାଗ ଛାତ୍ରଛାତ୍ରୀ ବୃନ୍ଦ ବ୍ରହ୍ମପୁର ବିଶ୍ୱବିଦ୍ୟାଳୟର ପରୀକ୍ଷା ଫଳାଫଳରେ ସର୍ବୋଚ୍ଚ ସ୍ଥାନ ଅଧିକାର କରି ଆସୁଥିବା ବେଳେ ତାହା ବଜାୟ ରଖିବାକୁ ପରାମର୍ଶ ଦେଇଥିଲେ। ବିଭାଗର ପ୍ରଫେସର ଦିଲ୍ଲୀପ କୁମାର ସେଠୀ ଧନ୍ୟବାଦ ପ୍ରଦାନ କରିଥିଲେ।
ରିପୋର୍ଟ:ଅନିଲ କୁମାର ମହାରଣା
