ବ୍ରହ୍ମପୁର,୧୫/୦୨/୨୦୨୨:
ଆଜି ଗୋପାଳପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ୫୫ ନମ୍ବର ଜୋନ ରେ ବିଜେଡି ର ଜିଲ୍ଲା ପରିଷଦ ପ୍ରାର୍ଥୀନୀ ତଅପୋଇ ଦାସ ଙ୍କ ସପକ୍ଷରେ ବିଜେଡି ପକ୍ଷରୁ ଏକ ବିଶାଳ ଏବଂ ମେଗା ନିର୍ବାଚନୀ ପ୍ରଚାର ଆୟୋଜନ ହୋଇଯାଇଛି।ସମାଜସେବୀ ତଥା ବରିଷ୍ଠ ନେତା ରାମହରି ପାତ୍ର ଙ୍କ ନେତୃତ୍ୱ ରେ ଆଜିର ଏହି ବିଶାଳ ଏବଂ ମେଗା ପ୍ରଚାର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ସୁଶାସନ କୁ ଭରସା କରି ଆବଳ ବୃଦ୍ଧ ବନିତା ଆଜିର ଏହି ପ୍ରଚାର ରେ ସାମିଲ ହୋଇଥିଲେ।ଆଜିର ଏହି କାର୍ଯ୍ୟକ୍ରମ ରେ ସାଂସଦ ଚନ୍ଦ୍ରଶେଖର ସାହୁ, ବିଧାୟକ ବିକ୍ରମ କୁମାର ପଣ୍ଡା, ଓଡ଼ିଆ ସିନେ ଜଗତର ଚର୍ଚିତ ନାୟକ ସମ୍ବିତ ଏବଂ ଅଭିନେତ୍ରୀ ରିୟା ଆଜିର ମୁଖ୍ୟ ଆକର୍ଷଣ ଥିଲେ।ଆଜିର ଉକ୍ତ ପ୍ରଚାର କାର୍ଯ୍ୟକ୍ରମ କୁ ବିପୁଳ ମାତ୍ରା ରେ ଜନ ସମର୍ଥନ ମିଳିଥିଲା।ଉକ୍ତ ପ୍ରଚାର କାର୍ଯ୍ୟକ୍ରମ ରେ ଯୁବ ବିଜେଡି ସଭାପତି ବୁଲୁ ଗୌଡ଼, ଯୁବ ବିଜେଡି ଉପ ସଭାପତି ଜିତେନ୍ଦ୍ର ରାଉଳ, ଦୁର୍ଗା ନାୟକ (ମୁନା ଭାଇ ), ଜୀବନ ବିନ୍ଦୁ ସଂଯୋଜକ ସୁବାସ ମହାରଣା, ଯୁବ ସମାଜସେବୀ ତଥା ବିଜେଡି ଯୁବ ନେତା ଶିବ ପାତ୍ର, ଛାତ୍ର ବିଜେଡି ସଭାପତି ଲଲାଟେନ୍ଦୁ ଗୌଡ଼, ଶଶୀଭୁଷଣ ମହାନ୍ତି, ବରିଷ୍ଠ ନେତା ଡ଼କ୍ଟର ଭଗବାନ ଗନ୍ତାୟତ, ଟୁନା ଦାସଙ୍କ ସମେତ ବହୁ ବରିଷ୍ଠନେତା ଓ ଶତାଧିକ କର୍ମୀ ଉପସ୍ଥିତ ଥିଲେ।
