ବ୍ରହ୍ମପୁର , ୧୫/୦୨/୨୦୨୨: ଭଞ୍ଜନଗର ଉପଖଣ୍ଡ ବୁଗୁଡ଼ା ବ୍ଲକ୍ ବାଲିପଦର ସ୍ବରାଜ ସେନା ସେବାସଂଘର ତୃତୀୟ ବାର୍ଷିକ ଉତ୍ସବ ଅବସରରେ ସୋମବାରଦିନ ଏକ ରକ୍ତଦାନ ଶିବିର ସ୍ଥାନୀୟ ଶିଶୁ ବିଦ୍ୟାମନ୍ଦିର ପରିସରରେ ଆୟୋଜିତ ହୋଇଅଛି । ଭଞ୍ଜନଗର ଉପଖଣ୍ଡ ରେଡକ୍ରସ ରକ୍ତଭଣ୍ଡାର ମିଳିତ ସହଯୋଗରେ ଆୟୋଜିତ ଏହି ରକ୍ତଦାନ ଶିବିରକୁ ସେବାସଂଘ ସଭାପତି ବିଷ୍ଣୁ ପ୍ରସାଦ ସାହୁ ,ସମ୍ପାଦକ ଟି.ନିହାର ପ୍ରସାଦ ପାତ୍ରଙ୍କ ସହ ସଂଘ ସଦସ୍ୟ ମାନେ ପରିଚାଳନା କରିବା ସହିତ ରକ୍ତଦାନ କରିଥିଲେ । ଉପସ୍ଥିତ ନିୟମିତ ରକ୍ତଦାତା , ସ୍ଥାନୀୟ ବୁଦ୍ଧିଜୀବୀଙ୍କ ଦ୍ଵାରା ନୂତନ ରକ୍ତଦାତାଙ୍କୁ ଉତ୍ସାହିତ କରାଯିବା ସହିତ ରକ୍ତଦାନ ଭଳି ମହତ୍ ଦାନକୁ ସଚେତନତା ମାଧ୍ୟମରେ ଲୋକାଭିମୁଖୀ କରି ଅସଂଖ୍ୟ ମୂର୍ମୁଷଙ୍କ ସହ ଦୁରାରୋଗୀଙ୍କୁ ଜୀବନ ଦାନ କରାଇବାର ପୂର୍ଣ୍ୟ ଲାଭ ଅର୍ଜନ କରିବାକୁ ଅନୁପ୍ରାଣିତ କରିଥିଲେ । ଆୟୋଜିତ ରକ୍ତଦାନ ଶିବିରରେ ରେକର୍ଡ ସଂଖ୍ୟକ ୯୧ ୟୁନିଟ ରକ୍ତ ସଂଗ୍ରହ ହୋଇଥିବାରୁ ସ୍ବରାଜ ସେନା ସେବାସଂଘ ପକ୍ଷରୁ ଉଭୟ ରକ୍ତଦାତା ଏବଂ ରକ୍ତଭଣ୍ଡାର କର୍ତ୍ତୃପକ୍ଷଙ୍କୁ ସାଧୁବାଦ ପ୍ରଦାନ କରାଯାଇଥିଲା ।
