ବ୍ରହ୍ମପୁର,୧୬/୦୨/୨୦୨୨ (ଟୁକୁନା ପ୍ରଧାନ)-: ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକରେ ତ୍ରିସ୍ତରୀୟ ପଞ୍ଚାୟତରାଜ ନିର୍ବାଚନ ଫେବୃଆରୀ ୨୪ ତାରିଖ ଦିନ ଅନୁଷ୍ଠିତ ହେବାକୁ ଯାଉଥିବା ବେଳେ ଗତକାଲି ୪୬ ନମ୍ବର ଜୋନର ତାଳସର ଗ୍ରାମରେ ଘରକୁ ଘର ବୁଲି ଭୋଟ ଭିକ୍ଷା କରିଛନ୍ତି ବିଜେପି ଜିଲ୍ଲାପରିଷଦ ପ୍ରାର୍ଥୀନୀ ଶ୍ରୀମତୀ ଅହଲ୍ୟା ସୁମନ୍ତରାୟ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ସୁଶାସନ ଏବଂ ବିଭିନ୍ନ ଲୋକାଭିମୁଖୀ ଯୋଜନା ବିଷୟ ନେଇ ଘରେ ଘରେ କହି ଭୋଟ ଭିକ୍ଷା କରିଥିଲେ ଅହଲ୍ୟା । ପଦ୍ମ ଫୁଲ ଚିହ୍ନ ରେ ଭୋଟ ଦେବା ପାଇଁ ସମସ୍ତଙ୍କୁ ନିବେଦନ କରିଥିଲେ । ତାଳସର ଗ୍ରାମରେ ବହୁ ଜନ ସମର୍ଥନ ମିଳିଥିବା ସହ ମହିଳା ମାନେ ବନ୍ଦାପନା କରି ପୁଷ୍ପ ମାଳ ପ୍ରଦାନ କରିଥିଲେ । ମାଆ ଅହଲ୍ୟା ଙ୍କ ପାଇଁ ଭୋଟ ଭିକ୍ଷା କରୁଛନ୍ତି ଦୁଇ ଝିଅ ରଶ୍ମିତା ଏବଂ ଯାଜ୍ଞସେନୀ । ନିରାଡମ୍ବର ସହକାରେ ସେ ନିଜର ଭୋଟ ଭିକ୍ଷା କାର୍ଯ୍ୟକ୍ରମ କରୁଥିବାର ଦେଖିବାକୁ ମିଳିଥିଲା ।
