ବ୍ରହ୍ମପୁର, ୧୨/୦୩/୨୦୨୨( ଟୁକୁନା ପ୍ରଧାନ) ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକରେ ବ୍ଳକ ଅଧ୍ୟକ୍ଷା ଭାବେ ନିର୍ଦ୍ଵନ୍ଦରେ ନିର୍ବାଚିତ ହେଲେ ବଡଖଇରଖମା ପଞ୍ଚାୟତ ର ସମିତିସଭ୍ୟା ଶ୍ରୀମତୀ ରେଣୁ ଗୌଡ଼ । ଶନିବାର ଦିନ ବ୍ଲକ ପରିସରରେ ନିର୍ବାଚନ ଅଧିକାରୀ ତଥା ଛତ୍ରପୁର ବିଡ଼ିଓ ସାରଦା ପ୍ରସନ୍ନ ପଣ୍ଡା ଙ୍କ ପରିଚାଳନାରେ ଅନୁଷ୍ଠିତ ହୋଇଥିଲା ଏହି ନିର୍ବାଚନ । ଏହି ବ୍ଲକ ର ୨୩ ଗୋଟି ପଂଚାୟତର ସମସ୍ତ ସମିତିସଭ୍ୟ ଓ ସମିତିସଭ୍ଯା ମାନେ ଉପସ୍ଥିତ ଥିଲେ । ଜଣେ ମାତ୍ର ରେଣୁ ଗୌଡ଼ ନିଜର ନାମାଙ୍କନ ପତ୍ର ଦାଖଲ କରିଥିଲେ । ଏଣୁ ନିର୍ବାଚନ ଅଧିକାରୀ ତାଙ୍କୁ ନିର୍ଦ୍ଵନ୍ଦରେ ନିର୍ବାଚିତ ହୋଇଥିବା ଘୋଷଣା କରିଥିଲେ । ପ୍ରକାଶ ଥାଉ କି ବିଜେଡି ନେତା ଦୁର୍ଯ୍ୟୋଧନ ଗୌଡ଼ ଙ୍କ ଧର୍ମପତ୍ନୀ ଅଟନ୍ତି ରେଣୁ । ଏଥିସହିତ ରେଣୁଙ୍କ ବାପା ତ୍ରିନାଥ ଗୌଡ଼ ବେଗୁନିଆପଡ଼ା ର ପୂର୍ବତନ ସରପଞ୍ଚ ଅଟନ୍ତି । କବିସୁର୍ଯ୍ୟନଗର ବିଧାୟିକା ଶ୍ରୀମତୀ ଲତିକା ପ୍ରଧାନଙ୍କ ନେତୃତ୍ୱରେ ଏକ ଶୋଭା ଯାତ୍ରାରେ ରେଣୁଙ୍କୁ ସ୍ୱାଗତ କରିବା ସହ ନବୀନ ବାବୁଙ୍କୁ ଏବଂ ବେଗୁନିଆପଡ଼ା ବ୍ଲକର ଜନସାଧାରଣ ଙ୍କୁ ଧନ୍ୟଵାଦ ଅର୍ପଣ କରିଥିଲେ ।ଏହି ବିଜୟ ର ଶ୍ରେୟ ସେ ନବୀନ ବାବୁ ଓ ବିଧାୟିକା ଙ୍କୁ ଦେଇଛନ୍ତି ।
