ସାହସପୁରରେ ସାନଖେମୁଣ୍ଡି ପ୍ରଶାସନ ସହ ପାଟପୁର ଥାନା ” ଆମ ପୋଲିସ ସମିତି “ର ସଚେତନତା ବୈଠକ ।

ବ୍ରହ୍ମପୁର , ୧୧/୦୪/୨୦୨୨: ଗଞ୍ଜାମ ପୋଲିସ ଜିଲ୍ଲା ପାଟପୁର ଥାନା “ଆମ ପୋଲିସ ସମିତି ” ସୌକନ୍ୟରୁ ଏକ ସଚେତନତା ବୈଠକ ଆଜି ସାହସପୁର ପଞ୍ଚାୟତ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଥାନା ଅଧିକାରୀ ଇନ୍ସପେକ୍ଟର ସବ୍ୟସାଚୀ ମଲ୍ଲଙ୍କ ପ୍ରତ୍ୟକ୍ଷ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ସାନଖେମୁଣ୍ଡି ବ୍ଲକ୍ ଅଧ୍ୟକ୍ଷ ସୀମାଞ୍ଚଳ ପାତ୍ରଙ୍କ ସହ ବିଡ଼ିଓ ଗାୟତ୍ରୀ ଦତ୍ତ ନାୟକ , ତହସିଲଦାର ଡଃ. ଶ୍ରୀନିବାସ ବେହେରା , ଶିଶୁ ବିକାଶ ଅଧିକାରିଣୀ ଅର୍ଚ୍ଚନା କହଁର , ଶଙ୍କର୍ଷଣ ସ୍ବାଇଁ , ପାଟପୁର ସ୍ୱାସ୍ଥ୍ୟକେନ୍ଦ୍ର ଅଧିକାରୀ ପ୍ରମୁଖ ଅଂଶଗ୍ରହଣ କରି ଆମ ପୋଲିସର ସମିତିର ଜନ ସଚେତନତାଧର୍ମି କାର୍ଯ୍ୟକ୍ରମାର ମହତ୍ତ୍ଵ ପ୍ରତିପାଦିତ କରିଥିଲେ । ଅଦ୍ୟାବଧି ସମାଜରେ ରହିଥିବା କୁସଂସ୍କାର ଓ ଅନ୍ଧବିଶ୍ୱାସ ଠାରୁ ସମାଜକୁ ଦୂରେଇ ରଖି ବୈଜ୍ଞାନିକ ଦୃଷ୍ଟିକୋଣରୁ ଆପଣାଇବା ନେଇ ସାଧାରଣରେ ଅନୁପ୍ରାଣିତ କରାଯାଇଥିଲା । ସମାଜରେ ଚଳି ଆସୁଥିବା ବାଲ୍ୟବିବାହର ଅପରିଣାମ କୁପ୍ରଭାବ ନେଇ ଉପସ୍ଥିତ ଶିକ୍ଷିତା କିଶୋରୀ ବାଳିକା ଏବଂ ମହିଳାଙ୍କୁ ସଚେତନା ସହ କନ୍ୟା ସନ୍ତାନର ସାମାଜିକ ଅଗ୍ରାଧିକାର ସମ୍ବନ୍ଧ ରେ ଅନୁପ୍ରାଣିତ କରାଯାଇଥିଲା । ଏହା ସହିତ ସାନଖେମୁଣ୍ଡି ବ୍ଲକରେ ଥିବା ଆନୁଷଙ୍ଗିକ ସମସ୍ୟାର ସୁଧାରପାଇଁ ପ୍ରଶାସନ ସହ ମିଳିତ ସହଯୋଗିତାକୁ ମଧ୍ୟ ଗୁରୁତ୍ୱାରୋପ କରାଯାଇଥିଲା । ସମିତିର ବରିଷ୍ଠ ଉପଦେଷ୍ଟା ଅଧ୍ୟାପକ ଡ଼ ,କୈଳାସ ଚନ୍ଦ୍ର ସ୍ବାଇଁଙ୍କ କାର୍ଯ୍ୟକ୍ରମ ନେଇ ନିଜର ଅଭିବ୍ୟକ୍ତି ଉପସ୍ଥିତ ଅଂଶଗ୍ରହଣକାରୀଙ୍କୁ ଆପ୍ୟାୟିତ କରିଥିଲା । ଅନୁଷ୍ଠିତ ଆଜିର ଏହି କାର୍ଯ୍ୟକ୍ରମରେ ସରପଞ୍ଚ ସୁଶାନ୍ତ ସେଠୀଙ୍କ ସହ ସମିତିସଭ୍ୟା ଏ, ଅପସରୀ ପାତ୍ର , କୈଳାଶ ପାତ୍ର ଗୋପାଳ ରାଉତ, ସୁଶାନ୍ତ ବାଡ଼ତ୍ୟା, ଚୂଡ଼ାମଣୀ ସ୍ୱାଇଁ ନାଏବ ସରପଞ୍ଚ ଅଭୟ ନାୟକ ପ୍ରମୁଖଙ୍କ ସହ ପଂଚାୟତବାସୀ ଉପସ୍ଥିତ ରହି କାର୍ଯ୍ୟକ୍ରମ ସଫଳ କରିଥିଲେ ।