କବିସୂର୍ଯ୍ୟନଗର: ଅସାମାଜିକ ଯୁବକଙ୍କ ଦ୍ବାରା ବୁଲିଲା ଖଣ୍ଡା, ଜଣେ ଗୁରୁତର

ବ୍ରହ୍ମପୁର, ୧୮/୦୮/୨୦୨୨:
ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ସହରରେ ଅସାମାଜିକ ଯୁବକଙ୍କ ଦ୍ବାରା ବୁଲିଲା ଖଣ୍ଡା । ଗୋଡ଼ାଇ ଗୋଡ଼ାଇ ଯୁବକକୁ ଖଣ୍ଡାରେ ଆକ୍ରମଣ କରିଛନ୍ତି ୩ ଯୁବକ । ଯୁବକଙ୍କ ଆକ୍ରମଣ ର ଶିକାର ହୋଇଛନ୍ତି ସ୍ଥାନୀୟ ସହରର ବବୁଲୁ ନାୟକ ନାମକ ଜଣେ ଯୁବକ । ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରି , କବିସୂର୍ଯ୍ୟନଗର ମେଡିକାଲରେ ଭର୍ତ୍ତି କରିଥିଲେ ‌। ସେଠାରେ ଅବସ୍ଥା ଗୁରୁତର ହେବାରୁ , ବ୍ରହ୍ମପୁର ମେଡିକାଲ କୁ ସ୍ଥାନାନ୍ତର କରାଯାଇଛି । ତେବେ ପୂର୍ବରୁ ଶତ୍ରୁତା କୁ କେନ୍ଦ୍ରକରି ଏଭଳି ଆକ୍ରମଣ ହୋଇଥିବା ଆହତ ଯୁବକ ଜଣକ କହିଛି । ଘଟଣାସ୍ଥଳରୁ ଆକ୍ରମଣକାରୀ ମାନେ ଫେରାର ହୋଇଯାଇଥିବା ବେଳେ , ଏକ ସନ୍ଦିଗ୍ଧ ସ୍ଥାନରୁ କିଛି ବିସ୍ଫୋରକ କିମ୍ବା ବୋମା ଗୋଟିଏ ବ୍ୟାଗ୍ ରେ ରହିଥିବା ପୋଲିସ ସନ୍ଦେହ କରି ରଖିଛି । ବୋମା ନିଷ୍କ୍ରିୟ କାରୀ ଟିମ୍ ସାହାଯ୍ୟରେ ଯାଞ୍ଚ କରାଯାଉଥିବା ଜଣାପଡିଛି ।