ଭୁବନେଶ୍ୱର,୦୯/୧୦/୨୦୨୨: ବିଜେପିର ବରିଷ୍ଠ ନେତା ତଥା ଉପନେତା ସ୍ଵର୍ଗତଃ ବିଷ୍ଣୁ ଚରଣ ସେଠୀଙ୍କ ସୁପୁତ୍ର ସୂର୍ଯ୍ୟବଂଶୀ ସୁରଜ ସ୍ଥିତପ୍ରଜ୍ଞଙ୍କୁ ବିଜେପି ପ୍ରାର୍ଥୀ କରିଛି । ଧାମନଗର ଉପନିର୍ବାଚନ ପାଇଁ କେନ୍ଦ୍ରୀୟ ନିର୍ବାଚନ କମିଟି ତଥା ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜେ.ପି. ନଡ୍ଡା ସୂର୍ଯ୍ୟବଂଶୀଙ୍କୁ ପ୍ରାର୍ଥୀଭାବେ ଘୋଷଣା କରିଥିବାରୁ ରାଜ୍ୟ ସଭାପତି ଶ୍ରୀ ସମୀର ମହାନ୍ତି ଧନ୍ୟବାଦ ଜଣାଇଛନ୍ତି ।ସୂଚନାଥାଉ କି, ଦିବଙ୍ଗତ ସ୍ଵର୍ଗତଃ ବିଷ୍ଣୁ ଚରଣ ସେଠୀ ଜଣେ ସାହିତ୍ୟିକ, ଲେଖକ ତଥା ଜନ
ପ୍ରତିନିଧ୍ଵଭାବେ ଭଦ୍ରକ ତଥା ଧାମନଗର ଲୋକଙ୍କ ବିକାଶ ପାଇଁ ଅହରଣ କାର୍ଯ୍ୟ କରୁଥିଲେ । ଧାମନଗରର ସଚେତନ ନାଗରିକ, ବୁଦ୍ଧିଜୀବୀ ତଥା ଜନସାଧାରଣଙ୍କ ଉପରେ ମୋର ସମ୍ପୂର୍ଣ୍ଣ ବିଶ୍ଵାସ ଦିବଂଗତ ବିଷ୍ଣୁ ଭାଇଙ୍କ ପୁତ୍ର ସୂର୍ଯ୍ୟବଂଶୀ ସୁରଜ ଧାମନଗର ସେବା ପାଇଁ ଲୋକଙ୍କ ଆସ୍ଥାଭାଜନ ହେବେ ବୋଲି ଶ୍ରୀ ମହାନ୍ତି କହିଛନ୍ତି ।ଶ୍ରୀ ସୂର୍ଯ୍ୟବଂଶୀ ନିଜର ବାପାଙ୍କ ଆଦର୍ଶକୁ ପାଥେୟ କରି ଲୋକଙ୍କ ସେବା କରିବା ସହ ଧାମନଗର ବାସୀଙ୍କ ସ୍ୱପ୍ନପୂରଣ କରିବେ ବୋଲି ଶ୍ରୀ ମହାନ୍ତି କହିଛନ୍ତି ।
