ବ୍ରହ୍ମପୁର , ୧୫/୧୦/୨୦୨୨ : ଗଞ୍ଜାମ ଜିଲ୍ଲାର ଚର୍ଚ୍ଚିତ ସାନଖେମୁଣ୍ଡି ନିର୍ବାଚନ ମଣ୍ଡଳୀରେ ଶାସକ ବିଜେଡ଼ିର ଆଭ୍ୟନ୍ତରୀଣ କନ୍ଦଳ ପୁଣି ପଦାକୁ ଆସିଛି । ପ୍ରଶାସନ ଏବଂ ମାତ୍ରାଧିକ ଅମଲାତାନ୍ତ୍ରିକ ହସ୍ତକ୍ଷେପରେ ବିଜେଡ଼ିର କୌଣସି ଜନପ୍ରତିନିଧି , କର୍ମୀ କିମ୍ବା ଜନସାଧାରଣଙ୍କ ଉପକାରରେ ଆସୁନି । ବ୍ଲକରେ ଅମଲାତନ୍ତ୍ରର ଦୁରୁପଯୋଗକୁ ନେଇ ବିଜେଡ଼ିର ଶୀର୍ଷ ନେତା ନତମସ୍ତକ ହେଉଛନ୍ତି । ସମସ୍ୟା ସମ୍ପର୍କରେ ଆଲୋଚନା କିମ୍ବା ସମାଧାନ ହେଉନି । ପ୍ରଶାସନ ହିଁ ସବୁକିଛି ଭଳି ବିଜେଡ଼ିରେ ଅମଲାତାନ୍ତ୍ରିକା ରାଜ ଚାଲିଛି । ସାନଖେମୁଣ୍ଡି ବ୍ଲକର ଅମଲାତାନ୍ତ୍ରିକ ଚାପ ଆଗରେ ମଥାନତ ନ କରି ବ୍ଲକ୍ ବିଜେଡ଼ି ସଭାପତି ନୀଳ ମାଧବ ରାଉତ ନିଜ ପଦବୀରୁ ଇସ୍ତଫା ଦେବା ସହ ବିଜେଡ଼ିରୁ ଇସ୍ତଫା ଦେଇଥିବା ଚର୍ଚ୍ଚା ହେଉଛି । ଏହା ସହ ସେ ରାଜନୀତିରୁ ସନ୍ନ୍ୟାସ ନେଊଥିବା ପ୍ରକାଶ କରିଛନ୍ତି ସାନଖେମୁଣ୍ଡି ବ୍ଲକ ଆଡପଡା ପୂର୍ବତନ ସରପଂଚ ,ସମ୍ପ୍ରତି ଆଡପଡା ସରପଞ୍ଚଙ୍କ ସ୍ଵାମୀ ତଥା ବ୍ଲକ ବିଜେଡି ସଭାପତି ନୀଳମାଧବ ରାଉତ । ଏହା ସହିତ କ୍ଷୁବ୍ଧ ହୋଇ ଗତକାଲି ବ୍ଲକରେ ଆୟୋଜିତ ବିଜେଡି ପଦଯାତ୍ରାରେ ମଧ୍ୟ ଯୋଗ ଦେଇନଥିବା ଜନା ଯାଇଛି ।
