ପାତ୍ରପୁର,୧୬/୧୦/୨୦୨୨:ଓଡିଶା ସିଭିଲ ସର୍ଭିସ ବା ଓଏଏସ ପରୀକ୍ଷାରେ କୃତିତ୍ୱ ଅର୍ଜନ କରିଥିବା ସୁଶ୍ରୀ ତୃପ୍ତିମୟୀ ଜେନାଙ୍କୁ ଆଜି ସମ୍ବର୍ଦ୍ଧନା କରାଯାଇଛି।ପାତ୍ରପୁର ଗ୍ରାମର ସୁଶ୍ରୀ ତୃପ୍ତିମୟୀ ଚଳିତ ଓଏଏସ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି।ଏଥି ପାଇଁ ଅଞ୍ଚଳରେ ଖୁସିର ଲହରୀ ଖେଳିଯାଇଥିଲା।ଆଜି ଗ୍ରାମରେ ତାଙ୍କ ଘରେ ବହୁ ବ୍ୟକ୍ତି ପହଞ୍ଚି ପଛୋଟି ଆଣିବା ସହ ଗ୍ରାମ ପରିକ୍ରମା କରିଥିଲେ।ଏହି ସମୟରେ ସେ ପ୍ରଥମେ ଶିକ୍ଷା ଆରମ୍ଭ କରିଥିବା ବିଦ୍ୟାଳୟ ସହିତ ବିଭିନ୍ନ ସାହିରେ ବହୁବ୍ୟକ୍ତି ପୁଷ୍ପଗୁଚ୍ଛ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ।ଅପରାହ୍ନ ରେ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଏକ ସମ୍ବର୍ଦ୍ଧନା ସଭା ସେଚେତନ ନାଗରିକ ମଞ୍ଚର ଉପଦେଷ୍ଟା ବଳରାମ ଦାସଙ୍କ ପୌରହିତ୍ୟରେ ଅନୁଷ୍ଠିତ ହୋଇଥିଲା।ଏଥିରେ ପାତ୍ରପୁର ବିଡିଓ ପ୍ରକାଶ କୁମାର ଦାସ ତହସିଲଦାର ଅମିତ ନାୟକ ଭରତପତି ମହାବିଦ୍ୟାଳୟ ଅଧ୍ୟକ୍ଷ ମାନସ ରଞ୍ଜନ ଆଚାର୍ଯ୍ୟ ଜରଡା ଥାନା ଅଧିକାରୀ ସୁନୀଲ କୁମାର ବେହେରା ଶିକ୍ଷା ଅଧିକାରୀ ଲୋକନାଥ ପାଢ଼ି ଅବସର ପ୍ରାପ୍ତ ପ୍ରଧାନଶିକ୍ଷକ କୃଷ୍ଣଚନ୍ଦ୍ର ପାଢ଼ୀ ପ୍ରମୁଖ ଯୋଗ ଦେଇଥିଲେ।ଏହି ସଭାରେ ତୃପ୍ତିମୟୀ ଜେନା ଙ୍କୁ ସମ୍ବର୍ଦ୍ଧିତ କରାଇଥିଲା । କଠିନ ପରିଶ୍ରମ ଯୋଗୁଁ ଏହି ସଫଳତା ମିଳିଥିବା ତୃପ୍ତି ପ୍ରକାଶ କରିଥିଲେ। ପାତ୍ରପୁର ଗ୍ରାମ ବାସି ଙ୍କୁ ଓ ସଭାରେ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
