ବ୍ରହ୍ମପୁର , ୦୨/୧୧/୨୦୨୨:
ସାନଖେମୁଣ୍ଡି ନିର୍ବାଚନ ମଣ୍ଡଳୀ ଜୋନ ନଂ ୫୯ ଅନ୍ତର୍ଗତ ଟି ଗୋବିନ୍ଦପୁର ପୋଡ଼ାମାରୀ , ପଟିଗୁଡ଼ା , ପଦ୍ମପୁର ,, ଛଣମେରୀ , ସିଙ୍ଗିପୁର , କଂସାମାରୀ ପଞ୍ଚାୟତର କଂଗ୍ରେସ କର୍ମୀ ଓ କର୍ମକର୍ତ୍ତାଙ୍କୁ ନେଇ ଏକ ଜୋନ ସ୍ତରୀୟ କର୍ମୀଙ୍କୁ ନେଇ ଏକ କର୍ମୀ ସମ୍ମିଳନୀ ମା ବେହେରା ପାତ୍ର ମନ୍ଦିର ପରିସରରେ ଆୟୋଜିତ ହୋଇଯାଇଅଛି । ସାନଖେମୁଣ୍ଡି ବିଧାୟକ ତଥା ଜିଲ୍ଲା କଂଗ୍ରେସର ସଭାପତି ରମେଶ ଚନ୍ଦ୍ର ଜେନାଙ୍କ ସମ୍ମତିରେ ସମ୍ପ୍ରତି କଂଗ୍ରେସ ଦଳର ବୈଠକ ଆୟୋଜନ ହେଉଥିବାରୁ ଅଞ୍ଚଳ ଯୁବଗୋଷ୍ଠୀଙ୍କ ମନରେ ଆସନ୍ତା ସାଧାରଣ ନିର୍ବାଚନ ସହ ସାଂପ୍ରତିକ ସ୍ଥିତିରେ ସାମଗ୍ରିକ ବିକାରରେ ହେଉଥିବା ପ୍ରଶାସନିକ ଅସୂୟା ଭାବକୁ ନେଇ ସ୍ୱର ଉଠିବାର ମହତ୍ତ୍ଵ ରଖିଅଛି । ଅନ୍ୟ ସୂଚନା କ୍ରମରେ ଆଜିର ଆୟୋଜିତ ଏହି ଦଳୀୟ ବୈଠକରେ ଆଗାମୀ ଦିନରେ କଂଗ୍ରେସ ଦଳର ମୁକାବିଲା ରଣନୀତିକୁ ନେଇ ଆଲୋଚନା କରାଯାଇଛି । ବୈଠକରେ ବ୍ଲକ କଂଗ୍ରେସ ସଭାପତି ବାବୁଲା ଦୋରା, ଯୁବ କଂଗ୍ରେସ ସଭାପତି ଅରୁଣ ଖୁଣ୍ଟିଆ, ସମ୍ପାଦକ ଜିଣ୍ଟୁ ସାହୁ ,ଯୁବ କଂଗ୍ରେସ ଉପ ସଭାପତି ମିଟୁ ଜେନା, ଯୁବ କଂଗ୍ରେସ କୋଷାଧକ୍ଷ ସଞ୍ଜୟ ବିଷୋୟୀ, ଅଲେଖ ନାୟକ, ଆଲୋକ ପାଣିଗ୍ରାହୀ, ବିନୋଦ ସାହୁ, ବୁଦ୍ଧ ସ୍ୱାମୀଜି, ଜି ସାଇରାମ , କୁମର ଭାଇ, ଟୁନା ମହାନ୍ତି, ବିଜୟ.ମାଦଳା, ସନ୍ତୋଷ ସାହୁ ପ୍ରମୁଖ କଂଗ୍ରେସ କର୍ମୀ ଉପସ୍ଥିତ ରହିଥିଲେ ।
