ବ୍ରହ୍ମପୁର,୧୭/୦୫/୨୦୨୩:ଗତ ୬ତାରିଖ ରାତିରେ ବଡ ବଜାର ଥାନା ଅନ୍ତର୍ଗତ ଆଚାର୍ଯ୍ୟ ବିହାର ଠାରେ ବସ ହକର୍ ସନାତନ ଚୌଧୁରୀ ହତ୍ୟା ଘଟଣାର ୬ଜଣ ଅଭିଯୁକ୍ତଙ୍କୁ ଗିରଫ ହୋଇଛନ୍ତି । ଗିରଫ ଅଭିଯୁକ୍ତମାନେ ହେଲେ ମୁଖ୍ୟ ଅଭିଯୁକ୍ତ ଦିଗପହଣ୍ଡି ଥାନା ଅଞ୍ଚଳର ପ୍ରସାନ୍ତ ସାହୁ,ଖୋର୍ଦ୍ଧାର ପ୍ରକାଶ ଖୋଟୁଆ, ଗୋପାଳପୁର ଥାନା ଅଞ୍ଚଳ ର ଶିବ ନାୟକ, ବଡ଼ ବଜାର ଥାନା ଅଞ୍ଚଳର କାଳିଆ ସାହୁ, ରାମ ରାଉଳ ଓ ଗୋଳନ୍ତରା ଥାନା ଅଞ୍ଚଳର ରାହୁଲ ପଣ୍ଡା ।ମୃତ ସନାତନ ଚୌଧୁରୀ ପତ୍ନୀ ଙ୍କ ଅଭିଯୋଗ କ୍ରମେ ବଡ ବଜାର ପୋଲିସ ତଦନ୍ତ କରି ଅଭିଯୁକ୍ତ ମାନଙ୍କୁ ଗିରଫ କରିବା ସହ ଗୋଟିଏ ଲୁହା ଖଣ୍ଡା, ୭୦ଗ୍ରାମର ସୁନା ଚେନ୍, ୭ ଟି ମୋବାଇଲ, ୨ଟି ଗାଡି ଜବତ କରିଛି। ଆଜି ଉପରୋକ୍ତ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ବ୍ରହ୍ମପୁର ଏସପି ଶ୍ରବଣ ବିବେକ ଏମ. ଆଜି ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ।
