ବ୍ରହ୍ମପୁର , ୨୦/୦୯/୨୦୨୩ : ପବିତ୍ର ଶ୍ରୀ ଗଣେଶ ଚତୁର୍ଥୀ ଅବସରରେ ହିଞ୍ଜିଳି ବ୍ଲକ ସାପୁଅପଲ୍ଲୀ ହରିଜନ ସାହି ସଂଲଗ୍ନ ଏକ ବେସରକାରୀ ଜାଗାରେ ଏକ ସାଂସ୍କୃତିକ ଭବନର ଶୁଭ ପ୍ରଦାନ କରାଯାଇଛି । ହିଞ୍ଜିଳିର ପୁର୍ବତନ ବିଧାୟକ ଶ୍ରୀ ଉଦୟ ନାଥ ନାୟକ ଆୟୋଜିତ ଏହି ସମାବେଶରେ ନଡ଼ିଆ ଭାଙ୍ଗି ସାଂସ୍କୃତିକ ଭବନର ଶୁଭ ପ୍ରଦାନ କରିଛନ୍ତି । ହରିଜନ ସାହି ନିକଟରେ ସାଂସ୍କୃତିକ ଭବନ ପାଇଁ ସ୍ଥାନୀୟ ଲୋକଙ୍କ ଅନୁରୋଧ ଓ ଦାବିକୁ ସରକାରୀ ଅଧିକାରୀ, ଶାସକ ଦଳର ନେତୃସ୍ଥାନୀୟ ବ୍ୟକ୍ତି ଓ ମୁଖ୍ୟମନ୍ତ୍ରୀଙ୍କ ପ୍ରତିନିଧି କେହି ମଧ୍ୟ ଗୁରୁତ୍ୱ ଦେଇନଥିଲେ । ପରିଶେଷରେ ସ୍ଥାନୀୟ ବସ୍ତି ବାସିନ୍ଦା ପୁର୍ବତନ ବିଧାୟକ ଶ୍ରୀ ନାୟକଙ୍କୁ ନିମନ୍ତ୍ରିତ କରି ଏହି କାର୍ଯ୍ୟ ସମ୍ପାଦନ କରିଛନ୍ତି । ଉଦୟ ବାବୁଙ୍କ ଉପସ୍ଥିତିକୁ ଉତ୍ସାହିତ ହରିଜନ ସାହି ବାସିନ୍ଦା ଏବଂ ଅଞ୍ଚଳବାସୀ ସମୂହ ସଂକୀର୍ତ୍ତନ କରି ଶୋଭାଯାତ୍ରାରେ ତାଙ୍କୁ ପ୍ରସ୍ତାବିତ ସାଂସ୍କୃତିକ ଭବନ ସ୍ଥଳକୁ ପାଛୋଟି ନେଇଥିଲେ । ଏହି ଭବନ ନିର୍ମାଣ ପାଇଁ ହିଞ୍ଜିଳି ବିଧାୟକ ତଥା ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଦୃଷ୍ଟି ଆକର୍ଷଣ କରି ଅନୁଦାନ ପାଇଁ ନିବେଦନ କରାଯିବ ବୋଲି ଶ୍ରୀ ନାୟକ ଲୋକଙ୍କୁ ସୁଚାଇଥିଲେ । ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ସାଧରଣ ଲୋକଙ୍କ କଥା ବୁଝିବା ଘେନି କୌଣସି ସରକାରୀ ଅଧିକାରୀ, ଦଳୀୟ ନେତା , ମୁଖ୍ୟମନ୍ତ୍ରୀଙ୍କ ପ୍ରତିନିଧି କେହି ଆଗ୍ରହ ଓ ନିଷ୍ଠା ପ୍ରଦର୍ଶନ କରୁନଥିବା ବେଳେ ସ୍ଥାନୀୟ ବାସିନ୍ଦା ସେମାନଙ୍କ ସୁଖଦୁଃଖରେ ଠିଆ ହେଉଥିବା ନେତୃତ୍ଵବାନ ଲୋକଙ୍କୁ ଖୋଜୁଥିବା ବେଳେ ଜନମାନସରେ ଶ୍ରୀ ନାୟକ ପ୍ରଥମ ପସନ୍ଦ ହୋଇଥିବା ଅଞ୍ଚଳବାସୀଙ୍କ ପକ୍ଷରୁ ପ୍ରତିକ୍ରିୟା ପ୍ରକାଶ ପାଉଥିବା ଜଣାପଡିଛି ।
