ଭୁବନେଶ୍ଵର: ୦୩/୧୦/୨୦୨୩: ଆଜି ଅଙ୍ଗନଓ୍ଵାଡି କର୍ମଚାରୀ ସଂଘ ସଂଯୁକ୍ତ ମୋର୍ଚ୍ଚା ଆହ୍ଵାନରେ ୨୦ହଜାରରୁ ଅଧିକ ଅଙ୍ଗନଓ୍ଵାଡି କର୍ମୀ, ମିନି କର୍ମୀ ଓ ସହାୟିକାମାନେ ଆସି ଭତ୍ତା ବୃଦ୍ଧି, ଏସ୍ଏନ୍ ପିର ଦର ସଂଶୋଧନ, ଓ୍ଵାର୍କର ମାନ୍ଯତା, ଅଵସର ବୟସ ସୀମା ୬୫ ବର୍ଷ କରାଇବା, ଅବସର ବେଳେ ସର୍ବନିମ୍ନ ୫ଲକ୍ଷ ଟଙ୍କାର ସହାୟତା, ଅଙ୍ଗନଓ୍ଵାଡି କର୍ମୀଙ୍କ ମଧ୍ୟରୁ ଶିକ୍ଷୟିତ୍ରୀ ଓ ଏଏନ୍ଏମ୍ ପଦଵୀରେ ନିଯୁକ୍ତି ଵ୍ଯଵସ୍ଥା ସମେତ ୫ଦଫା ଦାବିରେ ଗଣଧାରଣା ଦେଇଥିଲେ ।ଏଆଇଟିୟୁସି ରାଜ୍ୟ ସଭାପତି ତଥା ନିଖିଳ ଓଡ଼ିଶା ଅଙ୍ଗନଓ୍ଵାଡି କର୍ମୀ ସଂଘ ସଭାପତି ଅଵୋକ ଦାସଙ୍କ ଅଧ୍ଯକ୍ଷତାରେ ଅନୁଷ୍ଠିତ ସଭାରେ ଅଙ୍ଗନଓ୍ଵାଡି କର୍ମଚାରୀ ସଂଘ ସଂଯୁକ୍ତ ମୋର୍ଚ୍ଚା ଆବାହକ ତଥା ଏଆଇଟିୟୁସି ରାଜ୍ୟ ସାଧାରଣ ସମ୍ପାଦକ ଵିଜୟ ଜେନା, ସିଆଇଟିୟୁ ରାଜ୍ୟ ସାଧାରଣ ସମ୍ପାଦକ ବିଷ୍ଣୁ ମହାନ୍ତି, ନିଖିଳ ଓଡ଼ିଶା ଅଙ୍ଗନଓ୍ଵାଡି କର୍ମୀ ସଂଘ ସାଧାରଣ ସମ୍ପାଦକ ହରପ୍ରିୟା ସ୍ଵାଇଁ, ଅଲ ଓଡ଼ିଶା ଅଙ୍ଗନଓ୍ଵାଡି ଓ୍ଵାର୍କର ଓ ହେଲପର ଆସୋସିଏସନ୍ର ପୁଷ୍ପା ଦାଶ, ପଶ୍ଚିମ ଓଡ଼ିଶା ଅଙ୍ଗନଓ୍ଵାଡି କର୍ମୀ ଓ ସହାୟିକା ସଂଘର ମୀରାଵତୀ ଦଳବେହେରା, ଏଆଇଟିୟୁସି ରାଜ୍ୟ ସମ୍ପାଦକ ଜୟନ୍ତ ଦାସ, ସୁର ଜେନା, ମନୋରଞ୍ଜନ ପରିଡା, ଵିଷ୍ଣୁପ୍ରିୟା ଜେନା, ମମତାଜ ଖୁଣ୍ଟିଆ, ପ୍ରତିଭା ପାଲ, ପ୍ରତିଭା ପରିଡା, ନିର୍ଝରଵାଳା ସାହୁ ପ୍ରମୁଖ ଧାରଣ ସ୍ଥଳରେ କର୍ମୀଙ୍କୁ ଉଦବୋଧନ ଦେଇଥିଲେ ।ଅପରାହ୍ନରେ ବିଜୟ ଜେନା, ପୁଷ୍ପା ଦାଶ, ହରପ୍ରିୟା ସ୍ଵାଇଁ, ପ୍ରତିଭା ପାଲ, ମୀରାବତୀ ଦଳବେହେରାଙ୍କ ସମେତ ୭ଜଣିଆ ପ୍ରତିନିଧି ମଣ୍ଡଳୀ ବିଭାଗୀୟ ମୁଖ୍ଯ ଶାସନ ସଚିବଙ୍କ ସହ ଦାବିପତ୍ର ନେଇ ଦୀର୍ଘ ଏକ ଘଣ୍ଟାରୁ ଅଧିକ ସମୟ ଆଲୋଚନାରେ ଦାବିର ଯଥାର୍ଥତା ସ୍ଵୀକାର କରିଥିଲେ । ଏସ୍ଏନ୍ ପି ସାମଗ୍ରୀ ମୂଲ୍ୟ ସଂଶୋଧନ ପାଇଁ ବିହିତ ଵ୍ଯବସ୍ଥା ସହ ଖୁଵ ଶୀଘ୍ର ମୁଖ୍ଯମନ୍ତ୍ରୀ ଭତ୍ତା ବୃଦ୍ଧି ଘୋଷଣା କରିବେ ବୋଲି ପ୍ରତିଶୃତି ଦେଇଥିଲେ । ଆଜି ଅପରାହ୍ନରେ ପ୍ରବଳ ବର୍ଷାରେ ଭିଜି ଭିଜି ଅଙ୍ଗନଓ୍ଵାଡି କର୍ମୀ, ମିନି କର୍ମୀ ଓ ସହାୟିକା ମାନେ ଲୋୟର ପିଏମଜିରୁ ମାଷ୍ଟର କ୍ଯାଣ୍ଟିନ ପର୍ଯ୍ଯନ୍ତ ଭିଡ଼ ଜମାଇଥିଲେ । ମହିଳା ଶିଶୁ ବିକାଶ ମୁଖ୍ୟ ସଚିବଙ୍କ ପ୍ରତିଶୃତି କାର୍ଯ୍ୟକାରୀ ନହେଲେ ପୁଣି ଶକ୍ତିଶାଳୀ ଆନ୍ଦୋଳନ ସରକାରଙ୍କୁ ସଵକ ଶିଖାଇବେ ବୋଲି ସଂଯୁକ୍ତ ମୋର୍ଚ୍ଚା ପକ୍ଷରୁ ସରକାରଙ୍କୁ ଚେତାବନୀ ଦିଆଯାଇଛି ।
